بدخشان ولایتینینگ تومنلریدن قطاریده اوتگن کیچه یوز بیرگن سوو تاشقینلر عاقبتیده، کمیده ایکی کیشی اولیب و بو ولایتنینگ نیچه تومنیگه کوپینچه مالی زیانلر ییتیشگن. بو بیلن بیرگه، بدخشان مرکزی بیلن نیچه تومننینگ مواصلاتی یوللری هم یاپیلگن.
یوز بیرگن اوشبو سوو تاشقینی جرم، شهربزرگ، تگاب، یامان، تشکان، درایم و یفتل پایین تومنلرینی تاثیر آستیگه قوییب و محل یشاوچیلریگه آغیر مالی و جانی زیانلرنی ییتکزگن.
بدخشان طبیعی حادثهلرگه قرشی کورهش باشلیغی محمداکرم اکبرینینگ ایتیشیچه، حاضرگچه بیر ایرکک و بیر باله شامل ایکی جسد، کوکچه دریاسیدن چیقریلگن.
اونگه کوره، بو ریاستنینگ تیکشیروو گروهلری حاضرگچه جرم تومنینینگ خستک درهسی همده شهربزرگ تومنی حدودلرینی تیکشیرگنلر.
دستلبکی معلوماتلر اساسیده، جرم تومنیده جایلشگن خستک درهسیده ۱۰ ته یشش اوی، شهربزرگ تومنیده ۲۰ یشش اوی و یوزلب جریب ایکینچیلیک ییر همده سووغاریش کاناللری بوتونلی شکلده بوزیلگن.
اکبرینینگ کوپهیتیریشیچه، تیزلیک بیلن تیکشیروو گروهلرنینگ جبرلنگن باشقه تومنلرگه هم باریشی ممکن.
شونینگدیک اونینگ اورغولشیچه، تگاب، تشکان و یاوان تومنلری مواصلاتی یوللری ولایت مرکزی بیلن یاپیلیب و اوشبو یوللرنینگ آچیش مقصد سعیوحرکتنینگ دوامی بار.
ترانسپورت و هوا یوللری وزیرلیگینینگ هواشناسلیک ریاستی، بوگون مملکت ۱۹ ولایتیده کوچلی یامغیر، چقماق، بوران و سوو تاشقینی یوز بیریشینی بیلدیرگن.
