خوست محلی مسئوللری، اوشبو ولایت ده یوز بیرگن سوو تاشقینی عاقبتیده بیر عایله نینگ بیش اعضاسی هلاک بولگنیدن خبر بیره‌دیلر.
بیزلرنینگ فیسبوک صحیفه‌میزگه باش اورینگ!
اوشبو واقعه جمعه کونی، ۶ اسد، خوست ولایتی اسماعیل‌خیل مندوزی تومنیده یوز بیریب و نتیجه ده بیر عایله دن آته_آنه و اوچ فرزندلری بیلن هلاک بولگنلر.
خوست ولایتی طبیعی آفت‌لرنی باشقریش باشلیغی دوست‌محمد هلال اوشبو واقعه نی تصدیقلب ایتیشیچه، اسماعیل‌خیل مندوزی تومنیده یوز بیرگن سوو تاشقینی بیر موترنی آلیب کیتیب و باشقه بیر عایله نینگ بیش اعضاسی هلاک بولگنلر.
سونگی کون‌لرده، مملکت نینگ قطار ولایت‌لریده کوچلی یامغیر یاغیشی باعث سوو تاشقینی یوز بیریب و یشاوچیلر گه مالی و جانی زیان ییتکیزگن.
بیزلرنینگ توییترده هم تعقیب قیلینگ!
طبیعی آفت‌لرنی باشقریش بوییچه دولت وزیرلیگی نینگ معلوماتی اساسیده، سونگی کون‌لرده مملکت نینگ ۱۴ ولایتیده یوز بیرگن سوو تاشقینی عاقبتیده، ۴۸ کیشی هلاک بولیب و باشقه ۵۸ کیشی یره‌لنگن. شونینگدیک، بیر مینگ ۱۰۰ یشش اوی و قریب سکیز مینگ جریب ایکینچیلیک ییر بوزیلگن.
