ننگرهار ده سلام‌وطندار بیلن همکار«حقیقت سیسی/ حقیقت غږ» محلی رادیو ایشلاوچیلری نینگ ایتیشلریچه، اسلامی امارت کوچلری مذکور رادیو نینگ مسئولی الهام حقیقت‌نی قولگه آلگن.
سلام‌وطندار، حقیقت آوازی رادیوسی آرقه‌لی ننگرهارده نشرات بیره‌دی.
بیزلرنینگ فیسبوک صحیفه‌میزگه باش اورینگ!
حقیقت آوازی رادیو نینگ نشرات بولیمی مدیری عزیزالله گه کوره، الهام حقیقت اوتگن کونی (یک‌شنبه، ۲۸ حمل) ننگرهار نینگ شینواری تومنیده «مارکو بازاری» ساحه‌سیده، پاکستان گه قرشی مردمی تظاهرات‌نی پوشیش بیریشیدن کیین، اسلامی امارت کوچلری تامانیدن قولگه آلینگن.
اونینگ کوپه‌یتیریشیچه، اولر بو موضوع‌نی ننگرهار معلومات و مدنیت ریاستی مسئول‌لری بیلن شریک قیلیب و مسئوللر اولرگه ایتگن که، حقیقت آوازی رادیو مسئولی تظاهرات‌نی قاپلش ایمس؛ بلکه گمان باعث قولگه آلینگن و تدقیقات‌دن کیین آزاد ایتیله‌دی.
حقیقت آوازی رادیو نینگ نشرات بولیمی مدیری گه کوره، مذکور رادیو نینگ مسئولی حاضرگچه قویب یوباریلمه‌گن. بو توغریده ننگرهار محلی مسئول‌لری نینگ فکر-ملاحظه‌سینی اورگه‌نیش اوچون تلاش قیلدیک؛ لیکن کیتمه-کیت سعی و حرکت‌لر بیلن مؤفق بوله آلمه‌دیک.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، بوندن آلدین اسلامی امارت کوچلری، قندهارده سلام‌وطندار بیلن همکار څانگه محلی رادیو باشلیغینی قولگه آلگن ایدیلر.
اسلامی امارت کوچلری، څانگه محلی رادیو باشلیغینی ییتتی ساعت و تعهدنامه آلیشیدن کیین آزاد ایتگندیلر.
