ارزگان ولایت مقامی نینگ ۵۰ مترلیگیده ییرلشگن «تریاک میدانی» ناملی ییرده کونیده یوزلرچه کیشی ایلهنیب ایرکین شکلده بنگیوار مادهلرنی آلیب ساتهدیلر.
عینحالده، ارزگان یشاوچیلریدن ایکیتهسی خیرالله و حمید گل نینگ ایتیشلریچه، اوتگن ییللر گه قرهگنده بو ییل تریاک نینگ بهاسی کوتاریلگن، کوپ قطار کیشیلر تریاکلرینی ساتیش اوچون بازارگه کیلتیرهدیلر.
اولرگه کوره، هیچ بیر قیینچیلیک یوزهگه کیلمسدن بنگیوار مادهلرنی آلیب ساتهدیلر.
بیزلرنینگ فیسبوک صحیفهمیزگه باش اورینگ!
شوندهی بیرحالده، خیرالله و حمید گلگه اوخشهگن یوزلرچه کیشی هرکون ترینکوت شهری نینگ «تریاک میدانی» محلهسیده، بنگیوار ماده آلیب ساتیش بیلن مصروف دیرلر.
ارزگان ولایتیده بیر قطار بنگیوار ماده قاچاقچیلری نینگ سلاموطندارگه ایتیشلریچه، اسلامی امارت تامانیدن بنگیوار مادهلر نینگ ایکیلیشی و آلیب ساتیلیشی منع قیلینگندن بویان مملکتده تریاک بهاسی کیسکین شکلده کوتاریلیب و تریاک بازاری قیزیگن.
بنگیوار ماده قاچاقچیلریدن بیری که گزارشده آتی توتیلیشنی ایستمهیدی اونینگ ایتیشیچه، بنگیوار مادهلر نینگ ایکیلیشی منع ایتیلگندن آلدین، ۱.۵ میلیون افغانی گه تریاک ساتیب آلگن ایدی حاضر ۸ میلیون افغانیگه کوتاریلگن. اونینگ کوپهیتیریشیچه، حاضر بیر کیلو تریاک ۱۵ مینگ الی ۲۵ مینگ افغانی ساتیلهدی.
بیزلرنینگ توییترده هم تعقیب قیلینگ!
عینحالده، ارزگان ولایتی، معلومات و مدنیت ریاستی نینگ باشلیغی محمد آصف نینگ ایتیشیچه، اولر بنگیوار مادهلرنی آلیب ساتووچی کیشیلرنی قولگه آلیش اوچون سعی و حرکت قیلماقدهلر.
شونینگدک ارزگان یشاوچیلریدن قطاری نینگ ایتیشلریچه، بنگیوار مادهلرنی بازارلرگه ایرکین شکلده ساتیلیشی، شهر نینگ ناتینچ بولیشیگه سبب بولهدی، شونینگدیک اولر اسلامی امارتدن بنگیوار مادهلرنی آلیب ساتیلیشیگه توسیق بولیشلرینی ایستهدیلر.
شوندهی بیرحالده، اسلامی امارت نینگ بویروغی اساسیده، افغانستاده بنگیوار مادهلرنی ایکیش، ایشلَب چیقاریش و فایدهلَنیش منع قیلینگن.