بنگوار ماده‌لرنی ایکیش و قاچاقی منع ایتیلیشیدن بیر کوندن کیین، مملکت نینگ جنوبی ولایت‌لرده بنگومار ماده‌لر نینگ نرخی کوزگه کورینرلی درجه‌ده آشگن. ارزگان و قندهار ولایت‌لریده تریاک ایشلری بیلن مصروف بولگن‌لردن قطاری نینگ سلام‌وطندار گه ایتیشلریچه، تریاک نرخی اوتمیش گه نسبتن ایکی برابر بولگن.
اولر نینگ ایتیشلریچه، اوتمیش‌لرده بیر کیلو تریاک ۸ مینگ افغانی ایدی؛ بیراق حاضر ۱ کیلو تریاک نینگ نرخی ۱۶ مینگ افغانی یا ۳۲ مینگ پاکستان‌لیک کلدار گه معامله بوله‌دی. اولر نینگ کوپه‌یتیریشیچه، اوتمیشده پیشیریلگن بیر کیلو تریاک نینگ قیمتی ۱۳ مینگ افغانی ایدی؛ لیکن حاضر ۲۵ مینگ افغانی گه ییتیشگن.
بیزلرنینگ فیسبوک صحیفه‌میزگه باش اورینگ!
قندهارده تریاک ایشلری بیلن مصروف عبدالباقی (مستعار اسم) نینگ سلام‌وطندار گه ایتیشیچه: «اوتگن کونی تریاک منع بولیشی بیلن نرخی آشگن. اوتمیشده یخشی بیر سیر تریاک ۷۰ دن ۸۰ مینگ پاکستان‌لیک کلدار ساتیلر ایدی و حاضر بو قیمت ۱۵۰ دن ۱۶۰ مینگ کلدار گه ییتگن. اوتمیشده پیشیریلگن بیر کیلو تریاک نینگ قیمتی ۲۵ مینگ کلدار ایدی و حاضر ۵۰ مینگ کلدار بولگن.»
ارزگان‌ده خام و پیشیریلگن تریاک نرخی ایکی برابر آشگن. تریاک قاچقاچیلریدن بیری آتی سیر قالیش شرطی بیلن سلام‌وطندار گه ایتیشیچه، بنگوار ماده‌لر نینگ نرخی ثابت ایمس و کوکنار ایکینی بوتونلی ممنوع بولگن تقدیرده، قیمت بولیشی ممکن. اونگه کوره: «اوتمیشده ارزگان‌ده بیر سیر تریاک ۷۰ مینگ کلدار ایدی و اوتگن کوندن بویان بیر سیر تریاک قیمتی ۱۴۰ مینگ کلدار گه آشگن.»
گرچند جنوبی ولایت‌لرده‌گی کوکنار ایشلری بیلن مصروف دهقان‌لر، تریاک نرخی آشیشیدن خورسند بولسه‌لرده، بیراق اسلامی امارت‌دن، تریاک اورنیده بدیل تاپیشینی سوره‌یدیلر. قندهارده‌‌گی دهقان‌لردن بیری حبیب‌الله نینگ سلام‌وطندار گه ایتیشیچه: «تریاک قیمت بولگنیدن خورسند میز، بیراق اسلامی امارت بوندن بویان تریاک ایکیلمسلیگینی اعلام قیلدی. قورغاقچیلیک ییل‌ده تریاک‌دن باشقه هیچ نرسه، مصرف‌نی تولدیره آلمه‌یدی.»
بو عین‌حالده، اسلامی امارت رهبری هبت‌الله آخوندزاده، اوتگن کونی صادر ایتگن فرمانیده افغانستان بویلب کوکنار و نشه‌لی ماده‌لر ایکیلیشینی ممنوع اعلام قیلدی. اوشبو فرمان گه کیلیشیچه، فرمان صادر ایتیلیش تاریخی‌دن باشلب بوتون مملکتده کوکنار ایکینی «مطلق روشده منع دیر و کیمسه نینگ ایکیش گه حقی یوق دیر.»
بیزلرنینگ توییترده هم تعقیب قیلینگ!
اسلامی امارت رهبری گه کوره، اوشبو فرمان گه بویسونمه‌گن‌لر بیلن، اسلام قانون-قاعده‌لری اساسیده یانده شیله‌دی. هبت‌الله آخوندزاده نینگ فرمانی اساسیده، شراب، هروئین، شیشه، تابلیت (K)، چرس و هکذا نشه‌لی ماده‌لر نینگ آلیش-بیریلیشی، قاچاق و صادر و وارد ایتیلیشی ممنوع دیر.
اسلامی امارت رهبری نینگ تأکیدلشیچه، اوشبو فرمان گه بویسونمه‌گن‌لر، عدلی و قضایی نهادلر تامانیدن تیکشیریلیب جزالنتیریله‌‌دی.
