ارزگان امنیه قوماندانلیگی سوزلاوچیسی بلال روزگانینینگ ایتیشیچه، اوشبو ولایتده بیر ایرکک تورموش اورتاغینی اولدیریش عیبی بیلن قولگه آلینگن.
اونینگ کوپهیتیریشیچه، مذکور ایرکک اوتگن شنبه کونی ارزگان ولایتی چهارچینو تومنینینگ «خونی» منطقهسیده، تورموش اورتاغینی اولدیریب و ایناغهسینی یرهلنتیرگن.
روزگانی، قاتلنینگ بنگیوار مادهگه چلینگنینی بیان قیلیب و ایتیشیچه، مذکور ایرکک اوشبو قتلنی نشئه بولگنی حالتده عملگه آشیرگن.
بو بیلن بیرگه، ارزگان امنیه قوماندانلیگی جنایی جرملر بیلن قرشی کورهش مدیریتیگه کوره، اوشبو ولایت مرکزی ترینکوت شهریده بیر ایرکک اوزینی اولدیریش چاغیده قولگه آلینگن. مذکور نهادگه کوره، مذکور ایرکک عایلهسی بیلن لفظی جنجلدن کیین اوزینی اولدیرماقچین ایکن.
عایلهوی زورهوانلیکلر، کوپ وقتدن بیری افغانستان ده عیاللر و قیزلرنینگ قتل عامللریدن بیری دییلهدی.
