Asset 1SWN

بیلرمان‌لر: ا.ا نینگ دنیا اولکه‌لری خواستی برابریده بی فرق‌لیگی، قطار مملکت‌لر بیلن مناسبت ساووقلشیگه سبب بولگن

Taliban Mska

افغانستان نینگ حاضرگی سرپرست حکومتی دنیا همجمعیت تامانیدن رسمیت گه تانیلمسلیگی باعث، اوشبو مملکت اوتگن بیر ییل ده دنیا بویلب چیتده قالیشیگه سبب بولگن.

سیاسی ایش بیلرمان‌لر نینگ ایشانچی گه کوره، بیرلشگن ملت‌لر تشکیلاتی عمومی ییغیلیشیده افغانستان نماینده‌سی نطق سوزله‌مسلیک و بیرلشگن ملت‌لر تشکیلاتی خوفسیزلیک کینگشی تامانیدن، حاضرگی حکومت رهبرلری نینگ سفر معافیتی تمدید ایتیلمسلیگی، افغانستان نینگ سیاسی تنزل گه یوز توتیشیگه سبب بولگن.

برچه‌سی بیلن، ینگی‌لیکده روسیه ملی خوفسیزلیک کینگشی کاتبی نیکولای پتروشیف اسلامی امارت نی امریکا تامانیدن «شکللنگن» عنوان قیلگن و شونینگدیک افغانستان خصوصیده نومبر اورته‌لریده مسکو ییغیلیشیده، افغانستان نینگ حاضرگی حکومتی اشتراک ایتمسلیگیدن خبر بیردی.

بیزلرنینگ فیسبوک صحیفه‌میزگه باش اورینگ!

عین‌حالده، اسلامی امارت تشقی ایشلر وزیرلیگی اوشبو موضوع گه مناسبت بیلدیریب ایتیشیچه، بو گَل ییغیلیش‌لرده افغانستان حکومتی نینگ اشتراک ایتمسلیگی، مملکت‌لر بیلن مناسبتی اوستیگه سلبی تأثیر قیلیشی ممکن.

باشقه تاماندن ایش بیلرمان‌لردن باشقه بیرقطاری نینگ ایشانچی گه کوره، دنیا همجمعیت نینگ خواست‌لری برابریده اسلامی امارت نینگ بی‌ فرق‌لیگی، منطقه و دنیا مملکت‌لردن بعضی‌لری بیلن مناسبت ساووق‌لشگه سبب بولگن.

سیاسی ایش بیلرمان طارق فرهادی نینگ ایتیشیچه: «اسلامی امارت نینگ دنیا مملکت‌لری بیلن مناسبتی ساووقلشگن، چونکه قوشنی مملکت‌لر نینگ خواستی گه اعتبار قیلمه‌دیلر، شو احوال ده ایکنلر رسمیت گه تانیلیش‌لرینی ایسته‌یدیلر.»

برچه‌سی بیلن، سیاسی ایش بیلرمان همایون خیری، حاضرگی حکومت نینگ ایچکی سیاست‌لری، خاتین قیزلر گه یره‌تیلگن چیکلاولر و همه شمول حکومت شکللنمسلیگینی، افغانستان حکومتی تنزل گه یوز توتیش عامللریدن عنوان قیله‌دی.

بیزلرنینگ توییترده هم تعقیب قیلینگ!

اونگه کوره، اسلامی امارت نینگ امریکا بیلن یاشیرینچ مناسبتی، منطقه مملکت‌لری اینیقسه روسیه و چین بیلن اسلامی امارت مناسبتی ساووق‌لشیگه سبب بولگن. او سلام‌وطندار بیلن اوتکزگن صحبتیده ایتیشیچه: «اسلامی امارت امریکا منفعتی اوچون ایشله یاتگنلرینی یالغیز روسیه ایمس بلکه باشقه مملکت‌لر هم سیزدیلر، بو اوزی اسلامی امارت نینگ تنزل گه یوز توتیشیگه سبب بولگن.»

ایتیش کیره‌ک که، بیر ییل دن بویان افغانستان اسلامی امارت سرپرست حکومتی تامانیدن باشقریلماقده، نیچه مراتبه رسمیت گه تانیلیش شرط‌لرینی تکمیل قیلگنینی ادعا قیلگن، بیراق اسلامی امارت برابریده دنیا و منطقه مملکت‌لر نینگ قره‌ش و قرارلری گه بناً، یقینده افغانستان نینگ حاضرگی حکومتی رسمیت گه تانیلمسلیگی سیزیله‌دی.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام