«یک‌کمربند یک جاده» طرحی چین نینگ اقتصادی ابتکاری بولیب و اوشبو طرح «ینگی ایپک یولی» هم دییله‌دی، مذکور طرح قریب بیر دهه آلدین چین تامانیدن ریجه‌لشتیریلگن، اوشبو پروژه مخالف‌لری امریکا قوشمه ایالت‌لری و اروپا ییتکچیلیگی ده غرب مملکت‌لری دیر. اولر نینگ ایشانچی گه کوره، چین بو اقدامی بیلن رواجلنمه‌گن و ینگی رواجلنه‌یاتگن مملکت‌لر نینگ اقتصادی گه قول تاپیش دیر.
افغانستان انچه ییل دن بیری چین نینگ اوشبو طرحی گه قوشیلیش اوچون تلاش قیلماقده، افغانستان ایپک یولی ده قرار تاپگن‌لیگی و طبیعی منبع‌لری بارلیگی اوچون مذکور طرح گه قوشیلیش امکانیتی گه ایگه، بیراق سیاسی و خوفسیزلیک قیینچیلیک‌لر، آست قوریلمه‌لر یوق‌لیگی و باجخانه قیینچیلیگی، افغانستان نینگ مذکور طرح گه قوشیلیش برابریده‌گی توسیق‌‌لردن سنله‌دی.
بیزلرنینگ فیسبوک صحیفه‌میزگه باش اورینگ!
سلام‌وطندار بیلن صحبت اوتکزگن صناعت و سوداگرلیک وزیرلیگی مسئوللری، افغانستان نینگ اوشبو طرح گه قوشیلیش اوچون برچه تیارگرلیک‌لر آلینگنیدن خبر بیره‌دیلر.
صناعت و سوداگرلیک وزیرلیگی سوزلاوچیسی عبدالسلام جواد آخوندزاده نینگ ایتیشیچه، مذکور وزیرلیک سرپرستی نورالدین عزیزی «یک‌کمربند یک جاده» ییغیلیشی ده اشتراک ایتیش اوچون چین گه قیلگن سفری دایره‌سیده، افغانستان نینگ اوشبو طرح گه قوشیلیشی اوچون چین کبی مملکت‌لر نی راضی قیلیش اوچون سعی‌وحرکت قیله‌دی.
او نینگ کوپه‌یتیریشیچه: «یک‌کمربند یک جاده پروژه‌سی آرقه‌لی صادرات و واراتی‌میز حقیده صحبت قیله‌دی، شونینگدیک افغانستان ده سرمایه یاتقیزووچیلر نینگ اعتبارینی قره‌تیش توغریسیده بحث قیلینه‌دی.»
صناعت و سوداگرلیک وزیرلیگی، افغانستان نینگ مذکور طرح گه قوشیلیشی برابریده‌گی قیینچیلیک‌لر حل ایتیلیشیدن خبر بیرسه‌لرده، بیراق ایش بیلرمان‌لر نینگ ایشانچی گه کوره، بو قیینچیلیک‌لر حاضرگچه حل بولمه‌گن.
منطقه‌وی استراتیژیک مطالعه‌لر تدقیقاتچیسی مظاهر رئیس زاده نینگ سلام‌وطندار گه ایتیشیچه: «بو مسئله گه قوشیلیش معمالردن بیری ناتینچ‌لیک دیر، اینیقسه واخان تاغ‌لری و اطرافی، بو پروژه واخان تاغ‌لری دن اوته‌دیگن بولسه عصیانچی گروه‌لر کتته تهدید دیر، باشقه قیینچیلیک آست قورمه یوق‌لیگی دیر.»
بیزلرنینگ «ایکس» ترماغی ده هم تعقیب قیلینگ!
ایش بیلرمان‌لر، افغانستان نینگ اوشبو طرح گه قوشیلیشی مملکت اقتصادی اوستیگه مثبت تاثیر قیله‌دی، اولر بوتوغریده جدی آدیم کوتاریلیشینی سوره‌یدیلر.
اقتصادی ایش بیلرمان ظاهر بهزاد نینگ سلام‌وطندار گه ایتیشیچه: «حاضرگی شرایط ده افغانستان دولتی چین نی، افغانستان ده اوشبو پروژه بیر بولیمینی تطبیق ایتیش گه قانیقتیریشی کیره‌ک، بیر تاماندن سوداگرلیک و ترانزیتی یول آچیله‌دی و باشقه تاماندن افغانستان اوشبو یول دن ترانزیت حقینی آلیشی ممکن.»
ایتیش کیره‌ک که، اولکه‌لر تامانیدن قوشمه روشده یولگه قوییله‌دیگن اقتصادی مهم ابتکارلرده افغانستان نینگ قوشیلیشی اوچون، مملکت ده مشروع حکومت شکللنیشینی مهم بیله‌دیلر، ایش بیلرمان‌لر.
