اوتگن چهارشنبه کونی بیرلشگن ملتلر تشکیلاتی نینگ انسانپرورلیک یاردملر نی هماهنگ قیلووچی دفتری یا-ده اوچا نینگ اعلام قیلیشیچه، افغانستان ده نیازمند کیشیلر جانی نی قوتقریش اوچون ایستهلگن اوچ میلیارد و ۶۰ میلیون دالردن، یالغیز ۷.۸ فایزینی قولگه کیلتیرگن.
اوچا نینگ کوپهیتیریشیچه، کوپراق بودجه یوقلیگی سبب، افغانستان گه انسانپرورلیک یاردملرینی کمهیتیرگن.
بیزلرنینگ «ایکس» ترماغی ده هم تعقیب قیلینگ!
اوچا گزارشی نینگ بیر بولیمیده کیلیشیچه: «افغانستان ده نیازمند کیشیلر جانی نی قوتقریش اوچون ایستهلگن اوچ میلیارد و ۶۰ میلیون دالردن، یالغیز ۷.۸ فایزینی قولگه کیلتیرگنمیز و ییترلی یاردملر نی قولگه کیلتیرمهگنیمیز پیتده، افغانستان ده زیان کورهدیگن کیشیلر اینیقسه عیاللر، بالهلر و کیکسهلر نینگ قیین بیر وضعیت بیلن روپهره بولیشی ممکن.»
شوندهی بیرحالده، اقتصاد وزیرلیگی مسئوللری افغانستان اوچون انسانپرورلیک یاردملر دوامی نی سورهگنلر.
مذکور وزیرلیک سوزلاوچیسی عبدالرحمان حبیب نینگ سلاموطندار گه ایتیشیچه، خلقارا نهادلر افغانستان ده ایش زمینهسی یرهتیلیش برنامهلر خصوصیده سرمایه یاتقیزیشلری کیرهک.
جناب حبیب نینگ کوپهیتیریشیچه: «زیان کورهدیگن و نیازمند کیشیلر گه انسانپرورلیک یاردملر دوامی، اقتصادی فایدهسی بولیشی ممکن و خلقارا نهادلردن ایش زمینهسی یرهتیلهدیگن ترقیاتی پروژهلر خصوصیده تمرکز قیلیشلری نی ایستهیمیز.»
باشقه بیر تاماندن اقتصادی مسئلهلر بیلرمانلریدن قطاری مملکتده آچلیک طفیلی اولیم آلدی آلینیشی اوچون انسانپرورلیک یاردملرنی فایدهلی بیلهدیلر.
بیزلرنینگ فیسبوک صحیفهمیزگه باش اورینگ!
اقتصادی مسئلهلر بیلرمانی آذرخش حافظی نینگ ایتیشیچه: «حکومت اوزگریشی بیلن یاردملر کمهیگن و ترقیاتی برنامهلر توختهگن و ییلده افغانستان جمعیتی گه ۱ میلیون کیشی کوپهیهدی و افغانستان ده یشاوچیلر نینگ اولیمی آلدی آلینیشی و آچرچیلیک قیینچیلیگی حل بولیشی اوچون یگانه نرسه انسانپرورلیک یاردملر دیر.»
اوچا نینگ گزارشی اساسیده، ۲۰۲۴-ییل افغانستان ده قریب ۲۳.۷ میلیون کیشی نینگ انسانپرورلیک یاردملر گه نیازمند بولیشی ممکن.