کابل یشاوچیسی و اوشبو شهر‌ده‌گی ایشچیلردن بیری شاه‌ولی، کابل شهری سرک‌لریدن بیری نینگ یانیده، ایش تاپیش نی کوتیب تورگن.
اونینگ ایتیشیچه، کون‌لردن بویان ایش یوقلیگی سبب بوش قول بیلن اویی گه قیتگن دیر. «بو یاردم‌لر کیلیب وکیل‌لر گه ترقه‌تیله‌دی و بو یاردم‌لردن مینی فایده‌لنمه‌گنیم و مین گه بو یاردم‌لر نینگ ییتیشمه‌گنی برچه کیشی گه معلوم دیر.»
شونده‌ی بیرحالده، شاه‌ولی نینگ یانیده‌گی ایشچیلردن باشقه بیری حمید گه کوره، کون‌لردن بویان ایش تاپه آلمسلیک سبب ناامید‌لیک بیلن اویی گه قیتگن. او سرپرست حکومت‌دن اولر گه ایش زمینه‌سی یره‌تیلیشی نی ایسته‌گن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «بو ییرده آی‌لرچه ایش‌سیز قاله‌میز. بیزلر گه ایش زمینه‌سی یره‌تیلیشی نی ایسته‌یمیز. نیازمند کیشیلر گه یاردم کیلگنی پیتده هم، گذر وکیل‌لر نیازمند بولمه‌گن کیشیلر گه ترقه‌ته‌دیلر.»
شونده‌ی بیرحالده، بیرلشگن ملتلر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری یا-ده اوچا، مملکتده قشاقلیک کوپه‌یشی خصوصیده خواطر بیلدیریب ایتیشیچه، جاری میلادی ییلده افغانستان جمعیتی‌دن قریب ۲۳ میلیونی، انسان‌پرورلیک یاردم‌لر گه نیازمند بولیشی ممکن.
اوشبو نهاد نینگ کوپه‌یتیریشیچه، حاضر ایسه قشاقلیک و اقتصادی قیین‌چیلیکلر بیلن روپه‌ره بولگنلردن کوپینچه‌سی نی عیال‌لر تشکیل بیره‌دی.
عین حالده، اقتصاد وزیرلیگی مسئوللری نینگ ایتیشلریچه، اولر مملکتده قشاقلیک کمه‌یشی اوچون ایش یره‌تیش ریجه‌لری نی قولگه آلگنلر.
بیزلرنینگ فیسبوک صحیفه‌میزگه باش اورینگ!
بو توغریده مذکور وزیرلیک سوزلاوچیسی عبدالرحمان حبیب نینگ ایتشیچه: «ایش فرصت‌لری، قشاقلیک کمه‌یشی و اقتصادی پایدار ثبات اوچون تورلی سکتور‌ده ملی برنامه‌لر بار. شونینگدیک یینگیل آستقورمه‌لرده سرمایه یاتقیزیش، کیچیک و اورته صناعتلر رواجلنیشی، ایچکی تولید‌لر کوپه‌یشی اوچون ایکینچیلیک، باغ‌دارلیک و چاروه‌چیلیک سکتوری‌دن حمایت، اوشبو وزیرلیک نینگ کوتاه مدت‌لی هدف‌لریدن دیر که ایش فرصت‌لری یره‌تیلیشی و قشاقلیک میزانی کمه‌یشی نظر آستیگه آلینگن.»
بولر گه علاوه، اقتصادی مسئله‌لر بیلرمان‌لریدن قطاری، هوا اوزگریشلری، قوروق‌چیلیک و سوو تاشقین‌لر نینگ مملکتده قشاق‌لیکنی کوپه‌یشی گه سبب بولگن اصلی عامل‌لردن بیله‌دیلر.
بیرلشگن ملتلر تشکیلاتی نینگ گزارشی اساسیده، اوتگن ییلده افغانستان ده ۲۹ میلیون‌دن آرتیق کیشی انسان‌پرورلیک یاردم‌لر گه نیازلری بار ایدی که اولر ارا، ۱۶ میلیونی کیینگی اوقت‌لری نینگ قنده‌ی تأمین‌لنیشی نی بیلمس ایدیلر.
