سرپرست حکومت سوزلاوچیسی ذبیح‌الله مجاهد، چین ده اوشبو حکومت ایلچیسی بلال کریمی نینگ اعتبارنامه‌سی چین جمهور باشلیغی تامانیدن قبول قیلینیشینی بویوک یوتوق عنوان قیلگن.
مجاهد گه کوره: «چین کبی مهم بیر مملکت افغانستان ایلچیسی نینگ اعتبارنامه‌سینی قبول قیلسه ایکی مملکت مناسبتی نورمال حالتی گه قیتگنیدن درک بیره‌دی، بو گَل حرکت اقتصاد بولیم کبی باشقه ساحه‌لر ترقیاتی گه سبب بولیب و ایکی مملکت منفعتی گه دیر.» مجاهد نینگ ایتیشیچه، باشقه اولکه‌لر هم اسلام امیرلیگی بیلن چین کبی یانده‌شیش گه امید بیلدیره‌دی.
اسدالله بلال کریمی، ۱۰-دلو، سه‌شنبه کونی، چین ده اسلام امیرلیگی ایلچیسی اوله‌راق اعتبارنامه‌سینی اوشبو مملکت جمهور باشلیغی گه تاپشیردی.
بیزلرنینگ فیسبوک صحیفه‌میزگه باش اورینگ!
چین، سرپرست حکومت ایلچیسی نینگ اعتبارنامه‌سینی رسمی روشده قبول قیلگن بیرینچی مملکت دیر.
عین‌حالده، امریکا تشقی ایشلر وزیرلیگی سوزلاوچیسی متیو میلر چین جمهور باشلیغی تامانیدن سرپرست حکومت ایلچیسی نینگ اعتبارنامه‌سی قبول قیلینیشی گه مناسبت بیلدیریب، اوشبو مملکت دن سرپرست حکومت برابری ده اوز پالیسی خصوصیده ایضاح کیریتیشینی سوره‌گن.
بیراق مجاهد، سرپرست حکومت برابری ده امریکا نینگ حرکتیدن تنقید قیلیب امریکا منطقه ده‌گی تاثیراتینی قول دن بیرگن دیب ادعا قیله‌دی؛ لیکن شو بیلن هم اسلام امیرلیگی نینگ تن آلینیشی اوچون توسیق‌لیک یره‌تگن. او نینگ کوپه‌یتیریشیچه: «اوتگن کون چین بو کبی اقدام قیلدی و باشقه اولکه‌لر هم بونی آرتیدن بونده‌ی اقدام قیلیش‌لری ممکن، امریکا نینگ مملکت‌لر اوستیده و منطقه ده‌گی تاثیراتی قالگن یوق.»
بیزلرنینگ «ایکس» ترماغی ده هم تعقیب قیلینگ!
سیاسی و خلق‌ارا مناسبت‌لر ایش بیلرمان‌لری نینگ ایشانچی گه کوره، چین اقتصادی منفعتی اوچون سرپرست حکومت ایلچیسی نینگ اعتبارنامه‌سینی قبول قیلگن.
خلق‌ارا مناسبت‌لر ایش بیلرمانی ولی فروزان نینگ سلام‌وطندار گه ایتیشیچه: «چین بو اقدام نی قیلگن بیرینچی مملکت دیر. چین نینگ باشقه مملکت‌لر بیلن فرقی شونده که، چین اقتصادینی اویله‌یدی.»
خلق‌ارا مناسبت‌لر ایش بیلرمان‌لریدن باشقه بیری مجددالدین خراسانی گه کوره، چین جمهور باشلیغی تامانیدن سرپرست حکومت ایلچیسی نینگ اعتبارنامه‌سی قبول قیلینیشی چین بیلن مناسبتی بولگن مملکت‌لر نینگ حرکتی اوستیگه تاثیر قیلیشی ممکن، بیراق اسلام امیرلیگی تن آلینیشی اوچون منطقه‌ای بیر اجماع شکللنیشی کیره‌ک. او نینگ کوپه‌یتیریشیچه: «یالغیز چین تن آلیشنی اویلمه‌ی من؛ چونکه منطقه‌ای اجماع تشکیل بولمسه قولی‌لیک بیلن بونده‌ی ایش یوز بیرمه‌یدی.»
چین جمهور باشلیغی اوتگن کون رسمی بیر احتفال ده، ۴۱ مملکت ایلچی‌لری نینگ اعتبارنامه‌سینی قبول قیلدی.
