اسلام امیرلیگی تشقی ایشلر وزیرلیگی نینگ سرپرستی امیرخان متقی، بوگون (سه‌شنبه، ۳۱ اسد)، «دولت نینگ ملت گه حساب بیریش» دستوری ده ایتیشیچه، پاکستان ده دایمی تینچلیک برقرار ایتیلیشی اوچون نیچه مرته پاکستان رسمی‌لری و پاکستان‌لیک طالبلر تحریکی اورته‌سیده واسطه‌چیلیک قیلیشگن؛ بیراق پاکستان کابینه‌سیده‌گی اوزگریش باعث اوشبو سعی‌وحرکت‌لر نتیجه بیرمه‌گن.
تشقی ایشلر وزیرلیگی نینگ سرپرستی امیرخان متقی گه کوره: «بیز پاکستان ده ایکی بولیم ده همکارلیک قیلدیک، بیری پاکستان رسمی‌لری و پاکستان‌لیک طالبلر تحریکی اورته‌سیده واسطه‌چیلیک قیلدیک، قولی‌لیک یره‌تدیک، نیچه ییغیلیش اوتکزیلدی و مذاکره‌لر یخشی ایدی؛ بیراق پاکستان کابینه‌سیده‌گی اوزگریش باعث بو تلاش‌لر نتیجه‌سیز قالدی.»
بیزلرنینگ فیسبوک صحیفه‌میزگه باش اورینگ!
متقی جنابلری نینگ ایشانچی گه کوره، غرب مملکت‌لری اسلام امیرلیگینی تن آلیش اوچون وسیله اوله‌راق قوللنه‌دیلر. او نینگ کوپه‌یتیریشیچه، غرب مملکت‌لری نینگ اسلام امیرلیگینی تن آلیش اوچون هیچ بیر خاص شرط‌لری یوق دیر.
باشقه تاماندن، تشقی ایشلر وزیرلیگی سرپرستی نینگ ایتیشیچه، غرب مملکت‌لری اسلام امیرلیگینی تن آلیش اوچون افغانستان ده برچه شمول حکومت شکللنیشی، انسان حقلری رعایت ایتیلیشی و خوفسیزلیک مسئله‌لرنی بهانه قیلماقده.
امیرخان متقی گه کوره، افغانستان ده ایلچیخانه‌لرینی آچگن مملکت‌لر، اسلام امیرلیگینی تن آلیشگن.
او نینگ کوپه‌یتیریشیچه: «افغانستان نینگ ایلچیخانه‌لری باشقه مملکت‌لرده آچیق دیر و افغانستان ده ایلچیخانه‌لرینی آچگن اولکه‌لر، اسلام امیرلیگینی تن آلیش دن درک بیره‌دی، بو اولکه‌لر اسلام امیرلیگینی تن آلیشگن.»
بیزلرنینگ توییترده هم تعقیب قیلینگ!
اوشبو برنامه ده تشقی ایشلر وزیرلیگی مسئوللری نینگ ایتیشلریچه، اوتگن بیر ییل ده افغانستان‌لیک اوچ مینگ ۵۰۰ محبوس، باشقه مملکت‌لر دن افغانستان گه انتقال بیریلگن و بو جریان دوام ایتماقده دیر.
تشقی ایشلر وزیرلیگی نینگ قنسولی ایشلری بوییچه باشلیغی شعیب بریالی گه کوره: «تشقی ایشلر وزیرلیگی نینگ سعی‌وحرکتی طفیلی اوچ مینگ ۵۰۰ محبوس باشقه اولکه‌لردن افغانستان گه انتقال بیریلدی و بو جریان دوام ایتماقده، اوتگن بیر ییل ده اوشبو وزیرلیک تامانیدن ایچکی و خارجی ایکی مینگ ۵۰۰ سوداگر گه ویزه بیریلگن.»
حاضرگی کونده اسلام امیرلیگی تشقی ایشلر وزیرلیگی نینگ نماینده‌لیگی ۱۶ مملکت ده فعال دیر و قوشنی همده منطقه مملکت‌لر بیلن مناسبتی یخشی؛ بیراق اسلام امیرلیگی حاکمیتیدن ایکی ییل اوتگچ حاضرگچه هیچ بیر مملکت تامانیدن تن آلینمه‌گن.
