خلق‌ارا خاتین قیزلر بیردملیک کونی ییتیب کیلیشی بیلن، افغانستان ده عیاللر اساسی حقوق‌لری اینیقسه تعلیم و ایش حقیدن محروم بولگنلر، اسلام امیرلیگینی تن آلیش اوچون دنیا همجمعیت نینگ شرط لریدن بیری خاتین قیزلر نینگ اوشبو حقوقی رعایت ایتیلیشی دیر.
اسلام امیرلیگی اوتگن بیر یریم ییل ده، دنیا همجمعیت نینگ خواست‌لری و خواطرلری گه اعتبار بیرمسدن، عیاللر گه قرشی چیکلاولرنی بیکار قیلمه‌گن.
بیرقطار اولکه‌لر و خلق‌ارا تشکیلات‌لر، خاتین قیزلر گه یرهتیلگن چیکلاولر نینگ یامان عاقبتیدن آگاه‌لنتیریب ایتیشلریچه، عیاللر نینگ حذف قیلیش اوچون اسلام امیرلیگی نینگ سیاست‌لری، اولر نینگ اوشبو حکومت بیلن تعاملی اوستیگه تأثیر قیلیشی ممکن.
طلبه قیزلر یوزی گه بیلیم یورت‌لر ایشیگی یاپیلیشیدن کیین، امریکا، کانادا شامل ۱۲ مملکت تشقی ایشلر وزیرلری قوشمه بیر بیانیه آرقه‌لی، اسلام امیرلیگی نینگ اوشبو قرارینی قاره‌لب و عیاللر نینگ حذف ایتیش اوچون اسلام امیرلیگی نینگ سیاست‌لری مذکور حکومت بیلن تعامل قیلیش اوستیگه سلبی تأثیر قیلیشیدن آگاه‌لنتیردیلر.
بیزلرنینگ فیسبوک صحیفه‌میزگه باش اورینگ!
شونینگدیک، امریکا تشقی ایشلر وزیرلیگی، قیزلر یوزی گه بیلیم یورت‌لر ایشیگی یاپیلیشی بیلن ایتیشیچه، اوشبو قرار اسلام امیرلیگینی دنیا همجمعیت دن اوزاق‌لشتیریب و رسمیت گه تانیلیشی اوستیگه تأثیر قیلیشی ممکن.
خلق‌ارا ایش بیلرمان‌لردن قطاری نینگ ایتیشلریچه، دنیا همجمعیت نینگ اسلام امیرلیگی بیلن تعاملی بشری حقوق مسئله‌لری و عیاللر نینگ حقوقی رعایت ایتیلیشی گه باغلیق دیر و رعایت ایتیلمسلیگی افغانستان نینگ سیاسی تنزل گه دوچ قیله‌دی.
خلق‌ارا ایش بیلرمان محبوب محق گه کوره: «اسلام امیرلیگی نینگ سونگی قرارلری حکومت نینگ تن آلینیشی اوستیگه تأثیر قیلیب و افغانستان نینگ تنزل گه یوز توتیشی گه سبب بولگن. دنیا بیلن تعامل قیله قیلینمسه اوشبو وضعیت آغیرلشی ممکن. اسلام امیرلیگی مشروعیت و تروریزم گه قرشی کوره‌ش اوچون، دنیا بیلن تعامل قیلیشی کیره‌ک.»
خلق‌ارا ایش بیلرمان‌لردن باشقه بیری حمید محمودی نینگ ایتیشیچه: «عیاللر نینگ ایش و تعلیم دن محروم قیلیش، افغانستان نی تنزل گه یوز توتتیریب و بیر ملت نینگ نالایق سیماسینی کورسته‌دی. بونده‌ی وضعیت ده، افغانستان خلق‌ارا همجمعیت اعضاسی اوله‌راق قبول قیلینمه‌یدی.»
باشقه تاماندن، ایچکی و خارجی نادولتی مؤسسه‌لرده ایشلاوچی عیاللر نینگ ایشی توخته‌تیلیشی مملکت نینگ اقتصادی اوستیگه سلبی تأثیر قیلگن. نیچه کون آلدین خلق‌ارا نجات کمیته، عیاللر گه یرهتیلگن چیکلاولر مملکت نینگ اقتصادی اوستیگه بیر میلیارد دالر نقصان ییتکیزگنینی معلوم قیلگندی.
اقتصادی ایش بیلرمانلر نینگ ایتیشلریچه، عیاللر گه یرهتیلگن چیکلاولر عایله‌لر نینگ درآمدینی کمه‌یتیریب و اقتصادی بحران‌نی کوچه‌یتیرگن.
بیزلرنینگ توییترده هم تعقیب قیلینگ!
اقتصادی ایش بیلرمان لعل‌زازی نینگ ایتیشیچه: «عیاللر گه ایش اجازه‌سی بیریلمه‌گن تقدیرده مملکت نینگ اقتصادی اوستیگه سلبی تأثیر قیله‌دی، چونکه کوپ سانده عایله‌لر نینگ سرپرستی یوق. اوشبو عیاللر عایله اعضالری نینگ نفقه‌سینی تأمینله‌یدی، عیاللر گه ایش رخصتی بیریلمه‌گن حالده، مذکور عیاللر اقتصادی قیینچیلیک بیلن روپه‌ره بوله‌دی بونده‌ی وضعیت عاقبتی بیر جمعیت اوچون خطرلی دیر.»
باشقه تاماندن، جامعه‌شناس‌لر نینگ ایتیشلریچه، عیاللر گه یرهتیلگن چیکلاولر و جمعیت دن چیکلنتیریش، اوزاق مدت ده جمعیت ده سواد سیزلیک، جنسیتی تبعیض و مردسالارلیککه سبب بوله‌دی.
اجتماعی ایشلر ایش بیلرمان ضیا نیکزاد گه کوره: «عایله‌لرده‌گی باله‌لر، ایرکک‌لر ایشله‌یدی و عیاللر ایشلمه‌ی مصرف قیله‌دی، ایرکک‌لر ایش و تحصیل قیلیب بیرجای گه ییته‌دیلر بیراق عیاللر یالغیز اوی گه اولتیریب، ایش و تحصیل قیلمسلیگینی کوره‌دیلر، بو مسئله ناخود آگاه روشده باله‌لر ذهنیده حک بوله‌دی که ایرکک‌لر قیله آله‌دی و عیاللر قیله آلمه‌یدی، باله‌لر ایسه اوشبو ذهنیت بیلن اوسه‌دیلر، وقتیکه مذکور باله‌لر کتته بولسه، افراطی جامعه گه گواه بولیب و بو جامعه ده عیاللر نینگ ایشلش و تحصیل قیلیشی ننگ حسابلنه‌دی.»
عین‌حالده، اوتگن بیر ییل ده اسلام امیرلیگی عیاللر گه قرشی چیکلاو یره‌تیب و اولرنی اساسی حقوق‌لری دن محروم قیلگن؛ اوشبو چیکلاولر سیاسی تنزل و افغانستان نینگ اقتصادی بحرانی گه سبب بولگن.
