اسلام امیرلیگی تشقی ایشلر وزیرلیگی نینگ سرپرستی امیرخان متقی، بوگون (سه‌شنبه، ۳۱ اسد)، «دولت نینگ ملت گه حساب بیریش» دستوری ده ایتیشیچه، پاکستان ده دایمی تینچلیک برقرار ایتیلیشی اوچون نیچه مرته پاکستان رسمی‌لری و پاکستان‌لیک طالبلر تحریکی اورته‌سیده واسطه‌چیلیک قیلیشگن؛ بیراق پاکستان کابینه‌سیده‌گی اوزگریش باعث اوشبو سعی‌وحرکت‌لر نتیجه بیرمه‌گن.
افغانستان ده ایش‌سیزلیک و قشاق‌لیک کوپه‌یگنی خصوصیده خلق‌ارا قاچقینلر تشکیلاتی نینگ خواطری بیلن، سونگی ایکی ییل جریانیده ایشلری نی قولدن بیریب و یامان اقتصادی وضعیت‌ده حیات کیچیره‌دیگن یشاوچیلردن قطاری نینگ ایتیشلریچه، قشاق‌لیک و ایش‌سیزلیک‌دن زیریلککنلر.
تورخم باجخانه مسئوللری، اوشبو باجخانه‌ده قریب ایکی کیلوگرام «زمرد» نینگ کشف و ضبط بولگنی‌دن خبر بیرگنلر.
بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف) نینگ، بیر قطار قوشنی اولکه‌لرده افغانستان‌لیک قاچقینلر بارلیگی خصوصیده گزارشی ترقه‌لیشی بیلن، اسلام امیرلیگی حاکمیتیدن کیین قوشنی مملکت‌لر گه باش پنه ایزلب بارگن قطار قاچقینلر تیریکچیلیک احوال‌لریدن نالیب ایتیشلریچه، حتا دستلبکی حقوق‌لری ایاغ آستی بولگن.
بادغیس خوفسیزلیک مسئوللری، اوشبو خبر نی تصدیق‌لب ایتیشلریچه، اوشبو ولایت‌ده ییر اوستیده جنجل سبب، بیر کیشی اولیب و بیر کیشی ایسه یره‌لنگن.
اوزبیکستان میدیالری، اوشبو مملکت جمهور باشلیغی، بوگون (سه‌شنبه، ۳۱ اسد/ ۲۲ آگست)، آذربایجان گه سفر قیلگنیدن خبر بیرگنلر.
غور ده تاووقچیلردن بیرقطاری نینگ ایتیشلریچه، اوشبو ولایت ده «پلورم» کسل‌لیگی کوپه‌یشی اولر نینگ خواطری گه سبب بولگن.
خبرچیلر اوزلری مملکت‌ده اقتصادی و باشقه قیین‌چیلیک‌لر بیلن روپه‌ره بولگنلری بیرحالده؛ بیراق پکتیکا محلی خبرچیلری نیازمند کیشی‌لر گه یاردم بیریش و ایش زمینه‌سی یره‌تیلیشی اوچون «خبریال» آتیده خیریه بیر مؤسسه ایجاد قیلگنلر.
لغمان امنیه قوماندان‌لیگی مسئوللری، اوشبو ولایت ده یوز بیرگن ترافیکی حادثه عاقبتیده بیر کیشی هلاک بولیب و باشقه ۱۱ کیشی یره‌لنگنینی تصدیقله‌گنلر.
«بانوان افغان» انسان پرور نهادی کابل ده آچیلگن. مذکور نهاد مسئوللری دوشنبه کونی، ۳۰ اسد، اوشبو نهاد نی آچیش مراسمی ده ایتیشلریچه، مذکور نهاد سرپرست‌سیز و کمبغل عیاللر گه یاردم بیریش مقصدیده قوریلگن. اولر گه کوره، اوشبو نهاد سرپرسرست‌سیز و کمبغل یوزلب عیال نینگ آزیق_آوقات گه بولگن احتیاج‌لرینی تأمینله‌یدی.
مملکت ایکینچیلیک، چاروه‌چیلیک و سوغاریش وزیرلیگی، دوشنبه کونی، ۳۰ اسد، اوز تویتری ده، اوشبو وزیرلیک سرپرستی ایران گه سفر قیلگنیدن خبر بیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
