لغمان امنیه قوماندان‌لیگی مسئوللری، اوشبو ولایت ده یوز بیرگن ترافیکی حادثه عاقبتیده بیر کیشی هلاک بولیب و باشقه ۱۱ کیشی یره‌لنگنینی تصدیقله‌گنلر.
بیزلرنینگ فیسبوک صحیفه‌میزگه باش اورینگ!
لغمان امنیه قوماندان‌لیگی ترافیک مدیری حبیب‌الله مبارز نینگ سلام‌وطندار گه ایتیشیچه، بوگون (سه‌شنبه، ۳۱ اسد)، ایرته‌لب ساعت ۶:۰۰ اطرافی ده، کابل_جلال‌آباد قتناو یولی حدودلری «سرخکان» منطقه‌سیده، اسلام امیرلیگی کوچلری گه عاید بیر موتر «سراچه» رسوملی بیر موتر بیلن توقنشگن.
لغمان امنیه قوماندان‌لیگی ترافیک مدیری نینگ کوپه‌یتیریشیچه، اوشبو واقعه ده بیر کیشی هلاک بولگن و باشقه ۱۱ کیشی یره‌لنگن.
بیزلرنینگ توییترده هم تعقیب قیلینگ!
حبیب‌الله مبارز گه کوره، مذکور واقعه هیداوچیلر نینگ دقت‌سیزلیگی سبب یوز بیریب و سکیز حربی عسکر و اوچ تینچ اهالی یره‌لنگنلر.
لغمان امنیه قوماندان‌لیگی ترافیک مدیری گه کوره، اوشبو قوماندان‌لیک نینگ ترافیک مدیریتی مسئوللری وقتیده واقعه محلی گه ییتیب باریب و یره‌لنگنلرنی واقعه محلی گه یقین مرکزی کسلخانه گه انتقال بیریشگن. مذکور واقعه طفیلی یره‌لنگنلر احوالی قانیقرلی دییلگن.
