پروان ترافیک مدیریتی مسئوللری نینگ ایتیش‌لریچه، اوشبو ولایت‌ده یوز بیرگن اَیری ایکی ترافیکی حادثه‌ده، بیر کیشی اولیب و ۱۲ کیشی ایسه یره‌لنگن.
پروان ترافیک مدیریتی نینگ ترافیکی حادثه‌لرنی تیکشیریش آمری عبدالحمید محمدی نینگ ایتیشیچه، بوگون (شنبه، ۶-جوزا)، توش‌دن کیین ساعت ۱۲:۳۰ اطرافیده، اوشبو ولایت مرکزی چاریکار شهری نینگ «سرده‌مسکین» منطقه‌سیده، کرولا رسوملی بیر موتر سرک‌دن چیقیب بیر بایسکل‌هیداوچی نی باسگن دیر.
بیزلرنینگ فیسبوک صحیفه‌میزگه باش اورینگ!
ایتیلیشچه، مذکور حادثه نتیجه‌سیده، بایسکل هیداوچیسی اولیب و موتر یولاوچیلری آره‌سیدن بیر عیال یره‌لنگن.
شونینگدیک محمدی نینگ کوپه‌یتیریشیچه، بوگون توش‌دن کیین ساعت ۰۳:۲۰ اطرافیده، چاریکار شهری نینگ «سرلغمانی» ساحه‌سیده، ایکی تیزرفتار موتر نینگ توقنشووی سبب، مذکور ایکی موتر یولاوچیلریدن ۱۱ ته‌سی یره‌لنگن.
محمدی گه کوره، ایکینچی حادثه یره‌دارلریدن برچه‌سی ایرکک دیر که، پروان ملکی کسل‌خانه‌سی گه درمان اوچون انتقال بیریلگن.
محمدی نینگ ایتیشیچه، اوشبو ایکی ترافیکی حادثه، هیداوچیلر نینگ توجه‌سیزلیگی سبب یوز بیرگن.
بیزلرنینگ توییترده هم تعقیب قیلینگ!
ایتیش کیره‌ک که، افغانستان ده ترافیکی حادثه‌لردن کوپینچه‌سی نینگ سببی، هیداوچیلر نینگ توجه‌سیزلیگی و سرک‌لر نینگ بوزیق‌لیگی عنوان قیلینگن.
