«بانوان افغان» انسان پرور نهادی کابل ده آچیلگن. مذکور نهاد مسئوللری دوشنبه کونی، ۳۰ اسد، اوشبو نهاد نی آچیش مراسمی ده ایتیشلریچه، مذکور نهاد سرپرست‌سیز و کمبغل عیاللر گه یاردم بیریش مقصدیده قوریلگن. اولر گه کوره، اوشبو نهاد سرپرسرست‌سیز و کمبغل یوزلب عیال نینگ آزیق_آوقات گه بولگن احتیاج‌لرینی تأمینله‌یدی.
«بانوان افغان» انسان پرور نهادی مسئوللری نینگ کوپه‌یتیریشیچه، «بانوان افغان رستورانتی» آتیده عیاللر گه مخصوص رستورانت قوریش بیلن ۲۵ دن آرتیق عیال نی ایش بیلن تأمینله‌گنلر. اولر نینگ ایتیشلریچه، یقینده سرپرست‌سیز باشقه ۵۰ عیال نی ایش بیلن تأمینله‌یدیگن اوشبو رستورانت نینگ نیچه نماینده‌لیگینی آچیش گه قرار قیلگنلر.
بیزلرنینگ فیسبوک صحیفه‌میزگه باش اورینگ!
کابل ده مذکور نهاد نینگ آچیش مراسمی ده «بانوان افغان» انسان پرور نهادی مسئولی سمیره محمدی، باشقه انسان پرور نهادلردن محتاج عیاللر گه یاردم بیریش اوچون اوشبو نهاد نی قوللب-قوتلش‌لرینی طلب قیله‌دی. او نینگ کوپه‌یتیریشیچه: «بانوان افغان انسان پرور نهادی سرپرست‌سیز و کمبغل یوزلب عیال گه یاردم بیریش مقصدیده قوریلگن و بو نهاد کیله‌جک ده قطار عایله‌لر نینگ آزیق_آوقاتینی تأمینلش گه قرار قیلگن.»
سوداگر عیاللردن بیری ناجیه، مذکور نهاد آچیلیشینی خوش قرشی‌لب ایتیشیچه، مذکور انسان پرور نهاد محتاج عیاللرنی ایش بیلن تأمینلشی ممکن. او نینگ کوپه‌یتیریشیچه: «اوشبو انسان پرور نهاد عیاللر اوچون آچیلیب و تعلیم دن محروم بولگن قیزلر نی ایش بیلن تأمینله‌یدی.»
بیزلرنینگ توییترده هم تعقیب قیلینگ!
مذکور مراسم ده عیال حقوقی فعالی محجوبه شریفی گه کوره، اوشبو انسان پرور نهاد آچیلیشی بیلن کمبغل و سرپرست‌سیز عیاللر، قولی‌لیک بیلن انسان پرور یاردم‌لردن فایده‌لنیش‌لری ممکن. او نینگ ایتیشیچه: «بو ایش دن باشقه عیاللر بیلگی آلیب باشقه عیاللر نی قوللب_قوتله‌سینلر. بو نهاد انسان پرور یاردم‌لر ترقه‌تیلیشی اوچون اونملی بولیشی ممکن.»
ایتیش کیره‌ک که، بوندن آلدین بیرلشگن ملت‌لر تشکیلاتی نینگ انسان پرورلیک یاردم‌لر کاردیناتوری (اوچا)، افغانستان ده انسان پرورلیک یاردم‌لر گه محتاج‌لر سانی ۲۹.۲ میلیون گه ییتگنینی معلوم قیلگن ایدی.
