قزاقستان اقتصاد وزیری و باشوزیری اورینباسری سریک ژومانگارین، یوقاری مرتبهلی بیر هیئت ییتکچیلیگیده کابل کیلگن.
اسلام امیرلیگی سودا و صناعت وزیرلیگی، بوگون ایرتهلب (۳۰-جوزا، شنبه)، اکس صحیفهسیده یازیشیچه، قزاقستان هیئتی افغان-قزاق سودا و اقتصادی فورمی همده اوشبو مملکت تولیدلری و محصوللری کورگزمهسی اوتکزیلیشی اوچون کابل گه کیلگن.
صناعت وزیرلیگیگه کوره، قزاقستان هیئتینینگ کابل گه قیلگن سفری اوشبو مملکت اوچون افغانستاننینگ اقتصادی و منطقهای سیاستیدهگی اهمیت همده ایکی تامان اورتهسیده ایکی تامانلمه همکارلیکلرنینگ رواجلنتیریشگه بولگن قوشمه قاطعیتنی کورستهدی.
مذکور وزیرلیکنینگ اورغولشیچه، اوشبو سفر افغانستان و قزاقستان آرهسیده اقتصادی مناسبتلرنی مستحکملش و منطقهای همکارلیکلر کوچهیشیده مهم اورینگه ایگه دیر.
اسلام امیرلیگی و قزاقستان اوتگن بیش ییلده اقتصاد و تجارت بولیمیده یقین علاقه قوریب و تجارتلری میزانینینگ ییلده اوچ میلیارد دالرگه ییتیشتیریشگه سعیوحرکت قیلگنلر.
