کابل شهری غربی قسمی ده ۱۶-جدی، شنبه کونی اویوشتیریلگن پارتلش مسئولیتینی داعش گروهی نینگ خراسان شاخه‌سی تن آلگن.
داعش گروهی خراسان شاخه‌سی اوتگن کون بیر بیانیه ترقه‌تیب، بو هجوم اولر تامانیدن اویوشتیریلگنینی ادعا قیلگن.
بیزلرنینگ فیسبوک صحیفه‌میزگه باش اورینگ!
کابل امنیه قوماندان‌لیگی سوزلاوچیسی خالد زدران گه کوره، کابل شهری آلتینچی خوفسیزلیک حوزه حدودلری گه قره‌شلی دشت برچی «قلعه‌ناظر بیکتی» ساحه‌سیده یوز بیرگن اوشبو پارتلش ده، چمه‌سی ایکی کیشی اولیب و باشقه ۱۴ کیشی یره‌لنگن.
زدران جنابلری، ایکس اجتماعی ترماغی ده، کابل شهری دشت برچی ده کاستر رسوملی بیر موتر نشانگه آلینگنینی یازگن.
محل یشاوچیلری گه کوره، پارتلش شام چاغی ساعت ۶:۲۰ اطرافی ده «قلعه‌ی ناظر» ساحه‌سیده یوز بیرگن.
بیزلرنینگ «ایکس» ترماغی ده هم تعقیب قیلینگ!
بوندن آلدین هم، کابل شهری نینگ ایریم ساحه‌لری اینیقسه دشت‌برچی ده اویوشتیریلگن خودکش و پارتلش هجوم‌لر نی داعش گروهی تن آلگن.
ایتیش کیره‌ک، اسلام امیرلیگی خوفسیزلیک رسمی‌لری افغانستان بویلب داعش گروهی بوتونلی یوق ایتیلیش ادعاسینی قیله‌یاتگن بیر پیتده، انده-سنده اویوشتیریله‌یاتگن ایریم هجوم‌لرنی بو گروه تن آلگن.
