بیر اویده، نیچه عیال ییرده اولتیریب، باشقه نیچه عیال ایسه چوکیده اولتیرگن و اولردن برچهسی مهرهدوزلیک بیلن شغللنگن دیر. شونینگدیک یان بیر اویده، نیچه یاش قیز تیکووچیلیک بیلن شغللنگن. کابل شهری دارالامان نینگ دهدانا منطقهسیده جایلشگن ییر آستیده، قریب ۲۰ قیز و عیال، تیکووچیلیک، توقووچیلیک، مهرهدوزلیک، کشتهچیلیک و یقه تیکیش بیلن شغللنگن؛ بیراق اوشبو ایشخانه مسئوللری گه کوره، بو ییرده قریب ۵۰ عیال ایشلهیدی.
«بانوان شمس سنایی تیکووچیلیک ایشخانه» مسئوللریدن بیری شاکره شمس، ییللردن بویان عیاللر و قیزلر گه ایش زمینهسی نی یرهتیش خصوصیده ایشلهگن دیر. اونینگ ایتیشیچه، بوندن آلدین خبرچیلیک فعالیتی بیلن شغللنگن ایکن؛ بیراق قول صناعتی خصوصیده قیزیقیشی سبب، مذکور تعلیمی-تجاری ایشخانه نی یرهتیب، ایشسیز و تعلیم و تحصیلدن محروم قالگن عیاللر و قیزلر اوچون ایش زمینهسی نی یرهتگن دیر. اونینگ کوپهیتیریشیچه: «گزارش تیارلش اوچون ساحه گه باریشیم پیتده، قول صناعتی خصوصیده قیزیقیب و بانوان شمس سنایی اسمی آستیده بیر ایشخانه ایجاد قیلدیم.باشده ۱۰ ته ایشلاوچی بار ایدی و کیین ایسه ایشلاوچیلر سانی کوپهیدی.»
بیزلرنینگ «ایکس» ترماغی ده هم تعقیب قیلینگ!
بانوان شمس سنایی تیکووچیلیک ایشخانهسی، کابل نینگ شهرنو منطقهسیده بیر مارکیتی هم بار که، تولید بولهدیگن کییم-کیچکلر، مهرهدوزلیک و کشته تیکیلگن نرسهلر، او ییرده ساتیش گه قوییلهدی.
عین حالده، شاکره شمس نینگ کیلینی لیزا شمس، بانوان شمس سنایی تیکووچیلیک ایشخانه مسئوللریدن باشقه بیری دیر. اونینگ ایتیشیچه، اوشبو ایشخانهده عیاللر و قیزلر، قول صناعتی یانیده مکتب مضمونلری و اینگلیزچه اورگنهدیلر.
بانو شمس نینگ کوپهیتیریشیچه، اوشبو ایشخانه تعلیم و تحصیلدن محروم قالگن قیزلر نینگ افسردهلیک کسللیگی گه چلینمهسلیکلری و شونینگدیک بیر قطار عیال گه ایش زمینهسی یرهتیلیشی مقصد، ایجاد بولگن دیر. «قیزلر یوزیگه مکتبلر و بیلیم یورتلر ایشیگی یاپیلگنی و قیزلر تعلیم و تحصیلدن محروم قالگنلریدن سونگ، اوزیم هم افسردهلیک کسللیگی گه چلیندیم و انه شوو سبب، عیاللر گه ایش زمینهسی یرهتیلیشی نی ایستهدیم. بو ایشدن مقصد، عیاللر گه خذمت قیلیش دیر که شو رقم اولر عایلهلری نی حمایت قیلسینلر.»
بانوان شمس سنایی تیکووچیلیک ایشخانهسیده ایش بیلن شغللنگن عیاللردن قطاری، بو یول آرقهلی درآمد قولگه کیلتیریشلری خصوصیده خورسندلیک قیلیب و ایتیشلریچه، مذکور ایش بیلن بو ییرده، اقتصادی وضعیتلری یخشی بولگن. اوشبو ایشخانهده ایکی ییلدن بیری ایش بیلن شغللنگن خاطره نینگ ایتیشیچه، تورموش اورتاغی ایشسیز دیر و بو ییرده قولگه کیلتیرهدیگن درآمد بیلن، عایله نیازلری نی تأمینلهیدی.
بیزلرنینگ فیسبوک صحیفهمیزگه باش اورینگ!
تعلیمدن محروم قالگنیدن کیین، بانوان شمس سنایی تیکووچیلیک ایشخانهسیده قول صناعتی نی اورگنیش گه یوز کیلتیرگن ثویبه نینگ ایتیشیچه، حاضر ایسه ۸ کیشیلیک عایله سرپرستی دیر. «۱۰-صنف اوقووچیسی ایدیم که مکتبلر ایشیگی قیزلر یوزیگه یاپیلدی. آتهم حیاتده ایمس و اقتصادی قیینچیلیکلریمیز کوپ ایدی. اوزیم عایله سرپرستیمین. اسلام امیرلیگیدن قیزلر گه ایش زمینهسی کوپهیشی نی ایستهمین.» خاطره نینگ کوپهیتیریشیچه، تیکووچیلیک نی اورگنیشدن کیین، اوزی تیکووچیلیک ایشخانه ایجاد قیلیب و کوپینچه عیال گه ایش زمینهسی نی یرهتیش ایستهیدی.
قیزلر و عیاللر نینگ تعلیم و ایشدن محروم قالگنلریدن کیین، عیاللردن قطاری کابل و بیر قطار ولایتلرده، رستورانت، تیکووچیلیک و قول صناعتی ایشخانهلری نی ایجاد قیلیش بیلن، تعلیم و ایشدن محروم قالگن قیزلر و عیاللر گه، ایش زمینهسی نی یرهتگنلر.