رویترز آژانسی نینگ گزارشی اساسیده، داعش یا اسلامی دولت گروهی هرات ولایتیده شنبه کونی اویوشتیریلگن قانلی هجوم مسئولیتینی زمه‌سیگه آلگن.
رویترز نینگ ایتیشیچه، اوشبو گروه اوتکن کونی تلگرام کانالی‌ده افغانستان غربی قسمیده یوزبیرگن پارتلش مسئولیتینی بوینیگه آلگن.
بیزلرنینگ فیسبوک صحیفه‌میزگه باش اورینگ!
شنبه کونی شام چاغی‌ده هراتده اویوشتیریلگن خودکش هجوم‌ده تورت عیال شامل ۷ کیشی جان بیردی و باشقه بیش ایرکک و بیش عیال یره‌لندیلر. هرات ساغلیق‌نی سقلش مسئول‌لری نینگ ایتیشلریچه، وضعیت‌لری آغیر اته‌لگن بیش یره‌لی کیشی دارو-درمان اوچون ایران‌گه انتقال بیریلگن.
بیزلرنینگ توییترده هم تعقیب قیلینگ!
اوشبو پارتلش هرات شهری نینگ شیعه‌لرجایلشگن«حاجی عباس» منطقه سیده اویوشتیریلگن، جانی تلفات‌گه علاوه تورر اوی‌لر و دکان‌لرگه آغیر مالی زیان ییتکیزگن.
بوندن آلدین پایتخت کابل شامل بیرقطار ولایت‌لرده اویوشتیریلگن بو کبی واقعه‌لر مسئولیتینی داعش گروهی تن آلگن ایدی.
