اوتگن کون شام چاغی یوزبیرگن پارتلش‌ده جان بیرگن کیشیلرنینگ جنازه مراسمی هرات‌ شهری نینگ جبرئیل شهرچه‌سیده جایلشگن «مصلی و خاتم‌الانبیاء مسجدی» ‌ده یولگه قوییلدی. اوشبو واقعه‌ده قربان بولگنلر اقارب‌لری نینگ ایتیش‌لریچه، هر کون عزیزلری نینگ قولدن بیریش و قانلی واقعه‌لرگه شاهدلر و مملکت نینگ آسایشته‌لیگی اوچون باشقه هیچ امیدلری یوق.

هرات یشاوچیسی علی‌بخش، اوتگن کون یوزبیرگن پارتلش‌ده یقسین اقارب‌لریدن اوچ کیشی نی قولدن بیرگن. اونینگ ایتیشیچه، اوشبو واقعه‌ده خاله، خاله‌سی نینگ قیزی و خاله‌سی نینگ اوغلی جان بیرگن که اولردن ایکی ته‌سی عایله نینگ نان کیلتیروچیسی ایکن.

علی‌بخش نینگ کوپه‌یتیریشیچه: «اوچ کیشی مینینگ اقاربلریم‌‌دن دیر، اولردن ایکی‌ته سی عیال دیر. اولردن بیری اوقیتووچی و ۲۵ یاشر ایدی، باشقه‌سی ایسه ایرکک و اوقیتووچی ایدی و آنه‌سی نی داکتر گه ایلتگن ایدی. شو باله و قیز عایله نینگ خره‌جتی نی تامین قیله‌ر ایدیلر.»

بیزلرنینگ فیسبوک صحیفه‌میزگه باش اورینگ!  

مذکور پارتلش‌ده قالگن یولاوچی تاشووچی موتر هیداوچیسی امیر محمدی، حاضرگچه ساغلیک وضعیتی یخشی ایمس. او هرات مرکزی کسل‌خانه‌سیده درمان آستیده قرار تاپگن و کوپ قیین بیر وضعیتده نطق سوزله‌یدی، واقعه‌ده کورگن نرسه‌لری نی بو رقم بیان قیله‌دی: «ملک دروازه‌‌سیدن یولاوچیلر نی موتر گه بیندیردیم، جبرییل یولی نینگ اورته‌سیگه کیلدیک، یولاوچیلر یولده موتردن توشر ایدیلر، ۸ متری گه یتیشگنیمیزده بیردن بیر پارتش یوزبیردی. بیلمه‌دیم که باشقه نیمه بولدی، دنیا و عالم قرانغی بولدی، بیر مرته بیلدیم که بیر کیشی قولیم‌دن توتیب و ییردن توردیم، کوردیم که دنیا و عالم ماشین و انسان‌لر نینگ توته‌لری دیر. باشقه هیچ نرسه‌نی بیلمه‌دیم بیر دفعه کوردیم که کسل‌خانه گه مین.»

شونینگ‌دیک اوشبو واقعه شاهدلری، پارتلش محلی‌دن یمان روایت‌لری نی بیان قیله‌دیلر. شونده‌ی بیرحالده، هرات معلومات و مدنیت ریاست رئیسی نعیم‌الحق حقانی، اوشبو واقعه فلانکوچ تیپلی موترده جایلشگن مقناطیسی ماین نینگ پارتلگنی باعث یوزبیرگن دیب کوپه‌یتیریشیچه، اسلامی امارت مذکور واقعه نی تیکشیرماقده.

او، هرات یشاوچیلری اینقسه اوشبو ولایت نینگ هزاره‌لر یشه‌یدیگن منطقه یشاوچیلری گه اولر نینگ امنیتی نی تامینلش خصوصیده سعی و حرکت قیلیش اوچون ایشانچ بیره‌دی.

هرات‌ده یوزبیرگن پارتلشده، ۷ کیشی شامل ۴ عیال جان بیرگن و باشقه ۵ عیال و ۵ ایرکک شامل ۱۰ کیشی یره‌لنگن. هرات ساغلیک  مسئوللری نینگ بیاناتی اساسیده، مذکور واقعه‌ده یره‌لنگنلردن ۵ ته‌سی نی وضعیت یمان ایکن که، اوتکن کیچه کیچ قورون درمان اوچون ایران گه انتقال بیریلگن. شونینگدیک بو پارتلش‌ده جانی تلفات گه علاوه، دوکان و یشش اویلر گه هم کوپینچه مالی زیان هم یتیشتیرگن.

مذکور پارتلش هرات شهری نینگ «حاجی عباس» منطقه‌سیده هزاره‌لر و شیعه‌لر یشه‌یدیگن محله‌لرده یوزبیرگن و یره‌لنگن و اولگنلردن برچه‌سی شیعه‌مذهب دیر.

بیزلرنینگ توییترده هم تعقیب قیلینگ!

گزارش‌لر اساسیده، هرات ولایتیده افغانستان اسلامی امارت قدرت گه ایریشگنیدن کیین، بو بیرینچی یوزبیرگن پارتلش دیر. حاضرگچه اوشبو واقعه مسئولیتی نی بیرار گروه یا_شخص بوینیگه آلمه‌گن. لیکن بوندن آلدین کابل‌ و ولایتلردن قطاری‌ده بونگه اوخشش واقعه‌لر و پارتلشلر مسئولیتی نی اسلامی دولت گه موسوم گروه یا_ده داعش بوینیگه آلگن.

مرتبط با این خبر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام