جمهوررئیس غنی طالبان گروهیدن، حاضرگی اورته گه کیلگن فرصتدن تینچلیک اوچون فایده‌لنیب و تینچلیک نی تن آلیش‌لرینی سوره‌گن. جناب غنی بوگون (پنجشنبه ۲۳- ثور) هییت نمازی نینگ ادا قیلگندن کیین ایتیشیچه، چیت‌ایللیک کوچلرنینگ چیقیشی بیلن مملکتده تینچلیک تأمین‌لنیشی اوچون کتته فرصت یره‌تیلگن و طالبان گروهیدن اوشبو تاریخی فرصت نی قولدن بیرمه‌سلیک‌لرینی سوره‌گن.
جمهوررئیس نینگ کوپه‌یتیریشیچه، اهالی و جمهوریت نینگ قوچاغی طالبان اوچون آچیق دیر و طالبان گروهی گه اورته گه کیلگن فرصت دن فایده‌لنیش بیلن جامعه نی برچه قشرلرینی تن آلیب و واقعی بحث و ۴۱ ییل‌لیک فاجعه نی یکونلنتیریش اوچون لویه جرگه گه شرکت قیلیش‌لرینی تکلیف بیرگن.
جناب غنی نینگ طالبان گه ایتیشیچه، ییچیم یول اوروش ایمس بلکیم، کیلیشوو و سیاسی سازش دیر.
جمهوررئیس بیاناتی نینگ بیر بولیمیده ایتیشیچه، پاکستان حربی مرکزی باشلیغی جنرال قمر جاوید باجوا، کابل گه قیلگن سفریده آچیق شکلده اعلام قیلدی که افغانستان ده اسلامی امارت قیته احیالنیشی پاکستان نینگ ملی منفعتی گه ماس ایمس.
جناب غنی چیت‌ایللیک کوچلرنینگ چیقیشی نی مملکت تاریخی ده اینگ کتته فرصت دیب و ایتیشیچه، چیت‌ایللیک کوچلرنینگ افغانستان دن چیقیشی بیلن ملی حاکمیت تحکیمی بوتونلی و هرتامانلمه صورت تاپه‌دی.
جمهوررئیس نینگ ایتیشیچه، منطقه مملکت‌لری افغانستان نی بیر فرصت نقطه‌ی نظریدن کوره‌دیلر و افغانستان ده تینچلیک و برقرارلیک منطقه ده تینچلیک و برقرارلیک معناسیگه کیله‌دی.
باشقه بیر تاماندن جمهوررئیس، مملکتده کرونا ویروسی نینگ اوچینچی تولقینی توغریسیده آگاه‌لنتیریب و مملکت یشاوچی‌لریدن هییت کونلریده ساغلیک وزیرلیگی نینگ توصیه‌‌لریگه دقت قیلیش‌لرینی سوره‌گن.
