ملی مصالحه کینگشی باشلیغی عبدالله عبدالله نینگ پامیر ۳۰۳ قومندانلیگی سابق قومندانی داوود داوود نینگ ۱۰- ییل اولدیریلیشیدن نشان اوچون یولگه قوییلگن مراسمده مملکت حاضرگی وضعیتیدن خواطر بیلدیریب ایتیشیچه، تینچلیک سوزلشوولر ایجابی نتیجه بیرمه‌گن بیرحالده، چیت‌ایللیک کوچلرنی افغانستاندن چیقیشی مملکت وضعیتی اوستیگه سلبی تاثیر قویه‌دی.
جناب عبدالله گه کوره، مملکتده خلق ارا یاردمی نینگ دوام تاپیشی افغانستان حکومت نینگ عدالت‌نی تامین قیلیش خصوصیده بولگن سعی و حرکت‌لرگه تیگیشلی دیر.
ملی مصالحه کینگشی باشلیغی نینگ آگاه‌لنتیریشیچه، مملکتده ملی اجماع و ملی بیرلیک تامین بولمه‌گن صورتده، نظام نینگ سقوط قیلیش احتمالی موجود دیر.
سیاستچی‌لردن باشقه بیرقطاری نینگ ملی اجماع بولمه‌گنی و مملکت اونملی موضوعلری حقیده کیلیشوو یوق‌لیگی دن تنقید قیلیب ایتیش‌لریچه، حکومت طالبان گروهی بیلن کیلیشوودن آلدین جمهوریت نظامی ایچیده بولگن جنجل‌لرنی حل قیلیشی کیره‌ک.
جمعیت حزبی عضوی یونس قانونی نینگ ایتیشیچه، قومی جنجل‌لر جمهوریت نظامی‌گه کوپینچه زیان ییتیشتیرگن.
نظام سقوط قیلیش احتمالی خصوصیده خواطرلر کوپه‌یگن بیرحالده، چیت‌ایللیک کوچلر جاری میلادی ییل سپتامبر آیی‌گچه افغانستاندن چیقیشی خصوصیده قرار قیلگن.
