قطر ده افغانستان‌لیکلر ارا سوزلشوولر کمیده ایکی آی‌دن بویان توخته‌تیلگن، لیکن افغانستان دولتی مذکور سوزلشوولر قیته باشله‌نیشیدن امیدوارلیک بیلدیرگن.

بوگون “یکشنبه” ملی مصالحه کینگشی باشلیغی عبدالله عبدالله نینگ توییتر صحیفه‌سیده یازیشیچه، مذاکره قیلووچی هیات اعضالری بیلن کابلده اوچره‌شیب جاری وضعیت و تینچلیک جریانی خصوصیده صحبت اوتکزگن.

عین‌حالده، سیاسی ایش بیلرمانلردن بیرقطاری نینگ ایشانچی‌گه کوره، تینچلیک سوزلشوولر قیته باشلنه‌دی و بو مرته ایجابی نتیجه بیریشی ممکن .

سیاسی ایش بیلرمانلردن بیری حمیدالله هوتک، زوروانلیکلر کوپه‌یگنی و ترکیه ییغینی نینگ سرنوشتی بیللی بولمه‌گنیدن خواطر بیلدیرگن، لیکن دوحه سوزلشوولرینی تیزلیککه باشله‌نیشیدن امیدوارلیک بیلدیرگن.

جناب هوتک نینگ ایتیشیچه، حکومت مذاکره قیلیووچی هیات عضوی کابل‌گه کیلگنلر دوشنبه یا-ده سه‌شنبه کونی دوحه‌گه باریش‌لری ممکن.

اونینگ ایتیشیچه، سوزلشوولر بو مرته نتیجه بیرمه‌گن صورتده، باش تارتگن تامانلر اهالی نینگ جدی واکنشی بیلن روپه‌ره بوله‌دی، چونکه اهالی اوروش دن خسته بولگن.

طالبان گروهی مملکت‌ده اوروش‌نی شدت‌لنتیرگن بیر چاغیده، دوحه سوزلشوولری نینگ قیته باشله‌نیشی خصوصیده امیدوارلیکلر کوپه‌یگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام