طالبان نینگ اعلام قیلیشیچه، آمریکا خلقارا تعهدات گه قرشی افغانستان هوایی حدودی نی نقض قیلگن و بوندهی تخلفاتلرنینگ آلدی آلینیشی کیرهک.
اوتگن کون (سهشنبه ۶- میزان) طالبان تامانیدن نشر ایتیلگن اعلامیهده کیلیشیچه، برچه حکومتلر جملهدن طالبان حکومتی خلقارا قانونلر و حقوق اساسیده، ییر و هوایی حدودی گه ایگه دیر، بیراق آمریکا اوشبو قانونلر و دوحه کیلیشوونامهسیگه قرشی اوچووچیسیز اوچاق بیلن افغانستان هوایی حدودی نی نقض قیلگن.
طالبان نینگ اعلامیهسی اساسیده، آمریکا تامانیدن صورت تاپگن تخلفات دوحه کیلیشوونامهسیگه قرشی دیر و بو اصلاح قیلینیب و اونینگ ادامهسینی آلدی آلینیشی کیرهک.
طالبان برچه مملکتلر جملهدن آمریکا دن خلقارا قانونلر و حقوق و شونینگدیک دوحه کیلیشوونامهسی اساسیده، ایکی تامان بیربیراولریگه حرمت بیریش بیلن طالبان بیلن تعامل قیلیشی نی سورهگن.
شوندهی بیرحالده، آمریکا مدافعه وزیرلیگی نینگ اعلام قیلیشیچه، آمریکا ترورچیلیک گروهلر اینیقسه داعش گروهی نینگ خراسان شاخهسیگه هجوم قیلیش اوچون طالبان گروهیدن رخصت آلمهیدی.
بیزلرنینگ فیسبوک صحیفهمیزگه باش اورینگ!
افغانستان طالبان نظارتی گه اوتگنیدن بویان، آمریکا دولتی افغانستان تورلی بولیملری جملهدن کابل و ننگرهار ده اوچووچیسیز اوچاقلر آرقهلی نیچه هوایی هجوم اویوشتیردی. مذکور مملکت بوندن آلدین، ننگرهار ده داعش نینگ ترورچیلیک هجوملرینی ریجهلنتیرهدیگن بیر کیشی نی هدف آستیده آلگنی نی اعلام قیلگن ایدی.
شونینگدیک آمریکا ۲۸- آگست ده کابل شهریده بیر هوایی هجوم اویوشتیردی. مذکور هجوم ده ۷ باله شامل کمیده ۱۰ تینچاهالی هلاک ایتیلدی. مذکور مملکت حربیلری بیرینچی ده مذکور هجوم ده داعش گه تیگیشلی بیر خودکش هجومچی نی هدف آلینگنی نی ادعا قیلگن ایدی، بیراق کیین ایسه بو هجوم خطا اویوشتیریلگنی و تینچاهالی هلاک ایتیلگنی نی اعلام قیلدی.