سنتکام یا-ده آمریکا مرکزی قومندانلیگی قومندانی جنرال فرانک کنت مک کنزی نینگ ایتیشیچه، ۲۹ آگست‌ده اوشبو مملکت هوایی کوچلری تامانیدن کابلده اویوشتیریلگن هوایی هجوم نتیجه‌سیده ۱۰ تینچ اهالی هلاک ایتیلگن.
بیزلرنینگ فیسبوک صحیفه‌میزگه باش اورینگ!
سنتکام قومندانی نینگ کوپهیتیریشیچه، ۲۹ آگست ده کابل خلق ارا قونالغه‌سی یقینیده اویوشتیریلگن هوایی هجوم عاقبتیده، ۷ باله شامل ۱۰ تینچ اهالی نینگ هلاک ایتیلگنی تصدیق‌لنگن. اونینگ ایتیشیچه: «بو بیر خطا ایدی و مین عذر سوره‌یمن.»
مک کنزی نینگ ایتیشیچه: «مین حاضرده قبول قیله‌من که مذکور هجومده ۷ باله شامل ۱۰ تینچ اهالی هلاک ایتیلگن و تیکشیریش‌لرگه کوره، موتر و هلاک ایتیلگن کیشی‌لرنی داعش گروهی بیلن رابطه‌سی یوق ایکن و اولر تامانیدن آمریکا کوچلری تهدید آستیگه قرار بیریلمه‌گن.»
ایتیلیشیچه، ۲۹ آگست‌ده آمریکا اردوسی، داعش گروهی‌گه تیگیشلی پارتلش ماده جایلشتیریلگن بیر موترنی کابل قونالغه‌سی یقینیده هجوم آستیگه قرار بیریلگنیدن خبر بیرگن ایدی.
جنرال مک کنزی نینگ بوتوغریده بولگن بیانات‌لری، آمریکا کانگرس و سنا مجلسی بیرقطار اعضالری نینگ واکنش‌لری بیلن روپه‌ره بولگن.
