بوگون “دوشنبه” ایرته‌دن چاغیده کابل هوا قونالغه‌سی کابل نینگ خیرخانه منطقه‌سیدن راکتی هجوم آستیگه قرار بیریلگن.
رویترز کونده‌لیگی نینگ آمریکا حربی مسوول‌لریدن نقل قیلیب ایتیشیچه، مذکور راکت‌لر دفاعی سیستم تامانیدن دفع قیلینگن.
بیزلرنینگ فیسبوک صحیفه‌میزگه باش اورینگ!
رویترز کونده‌لیگی گه کوره، اوشبو راکت‌لرنی دفاعی سیستم تامانیدن کامل صورتده دفع ایتیلگنی خصوصیده بیللی معلومات یوق، لیکن حربی کوچلرگه زیان ییتیشگنی خصوصیده هم معلومات بیریلمهگن.
آمریکا رسمی‌لریگه کوره، مذکور راکت‌لر کابل هوا قونالغه‌سی تامان آتیلگن، بیراق طالبان گروهی نینگ ایتیشیچه، اوشبو راکت‌لر کابل شهری نینگ تورلی منطقه‌لریده اصابت قیلگن.
طالبان گروهی کابل شهری و هوا قونالغه‌سیده آتیلگن راکت‌لر رقمی خصوصیده صحبت قیلمه‌گن، لیکن مذکور واقعه‌ده هیچ‌کیم گه زیان ییتیشمه‌گنینی بیلدیرگن.
طالبان سوزلاوچیسی ذبیح‌الله مجاهد نینگ یاردمچی‌سی بلال کریمی نینگ سلام‌وطندارگه ایتیشیچه، راکت‌لرنی کیم‌لر تامانیدن آتیلگنی خصوصیده تکشیریش‌لرنی دوامی بار.
اوتگن کونی کابل هوا قونالغه‌سی ییقینیده پارتلش ماده یوکلنگن موتر نینگ آمریکا هوایی کوچلری تامانیدن هجوم آستیگه قرار بیریلگنیدن سونگ، اوشبو قونالغه راکتی هجوم آستیگه قرار بیریلگن.
بیزلرنینگ فیسبوک صحیفه‌میزگه باش اورینگ!
آمریکا نینگ ادعا قیلیشیچه، داعش گروهی تامانیدن پارتلش ماده یوکلنگن موتر هدف آستیگه قرار بیریلگن، بیراق سی‌ان‌ان کونده‌لیگی تامانیدن نشر ایتیلگن گزارش گه کوره، مذکور هوایی هجوم ده عیال‌لر و باله‌لر شامل بیرعایله نینگ ۹ عضوی هلاک ایتیلگن.
