آمریکا قوشمه ایالت‌لری نینگ مالیه وزیرلیگی اوتگن کون (جمعه، ۶- حوت) افغانستانده مالیهوی و سوداگرلیک معامله‌لر نینگ آسانلشتیریش و کینگه‌یشی اوچون ینگی رخصت‌نامه صادر قیلگن.
مذکور وزیرلیک اعلامیه ترقه‌تیب ایتیشیچه، افغانستان نینگ دولت اداره‌لری بیلن ایشلش‌نی اوز ایچیگه آلگن اوشبو رخصت‌نامه صادر ایتیلیشیدن مقصد، آمریکا قوشمه ایالت‌لری نینگ اسلامی امارت گه تحریم‌لری، افغانستان فقرالری‌گه انسان پرورلیک یاردم‌لرنی ییتکیزیش اوچون مالی فعالیت لرگه مانع بولمسلیک دیر.
بیزلرنینگ فیسبوک صحیفه‌میزگه باش اورینگ!
اعلامیه‌ده کیلیشیچه، افغانستان یشاوچیلری گه یاردم بیریش اوچون آمریکا قوشمه ایالت‌لری نینگ بو حرکتی خصوصی کمپنیه‌لر، یاردم بیرووچی مؤسسه‌لر و تشکیلات‌لر بیلن ایشله‌شی خصوصیده متعهدلیگینی کورسته‌دی.
شونینگدیک اعلامیه‌ده تأکیدلنیشیچه، اوشبو رخصت‌نامه، افغانستان دولت اداره‌لری بیلن خصوصی سکتور و نا دولتی مؤسسه‌لر و تحریم گه شامل بولگن‌لر رهبرلری گه یالغیز سالیق توللش، باج آلیش و بشری نیازمندلیکلرنی حل قیلیش اوچون رخصت بیره‌دی و جنسی آلیش-بیریش و تجملی خذمت‌لر ارائه ایتیلیشینی اوز ایچیگه آلمه‌یدی.
آمریکا مالیه وزیرلیگی نینگ اورغولشیچه، اسلامی امارت اوز باشیمچه‌لیک ایشلریدن قول تارتمه گونچه اولر گه قرشی تحریم‌لر دوام ایته‌دی. مذکور وزیرلیک نینگ کوپه‌یتیریشیچه، افغانستان نینگ اقتصادیاتی کوچه‌یشی اوچون اوشبو مملکت فقرالرینی قوللب قوتله‌یدی.
بیزلرنینگ توییترده هم تعقیب قیلینگ!
بوندن آلدین قوشمه ایالت‌لر، افغانستان یشاوچیلری گه انسان پرورلیک یاردم کورسه‌تیلیشی و شونینگدیک مخصوص آلیش-بیریش ایشلر جمله‌دن ایکینچیلیک محصولات، دارو و طبی جهازلر صادراتی‌نی آسانلشتیریش اوچون رخصت‌نامه صادر ایتگن ایدی.
