شهرلرنی قیته قوریش و اراضی وزیرلیگی سوزلاوچیسی محمدکمال افغان نینگ سلام‌وطندار گه ایتیشیچه، ایرته (پنجشنبه، ۸-ثور) کابل نینگ «ده‌سبز» منطقه‌سیده اسلامی امارت رسمی‌لری نینگ اشتراکی بیلن ۱۵۰ ایشخانه نینگ قوریلیش ایشی تشقی بیر شرکت بیلن امضالنه‌دی.
اونینگ کوپه‌یتیریشیچه، قطار ایشخانهلر نینگ قوریلیش جریانی ایرته رسمی شکلده باشلنیب و اونینگ ایشی باشلنیشی بیلن ۴۰مینگ کیشی‌گه مستقیم و غیرمستقیم شکلده ایش زمینه‌سی یره‌تیله‌دی.
بیزلرنینگ فیسبوک صحیفه‌میزگه باش اورینگ!
شهرلرنی قیته قوریش و اراضی وزیرلیگی نینگ سوزلاوچیسی گه کوره، مذکور ایشخانهلر کوپراق ساختمای ماده ایشلب چیقاره‌دی و کیله‌جکده ضرورت گه قره‌ب، باشقه ماده‌لرنی ایشلب چیقاریش جریانینی باشلشی ممکن.
محمد کمال افغان نینگ ایتیشیچه: «چیت ایل‌لیک بیر شرکت قریب ۲۱۶ میلیون دالر سرمایه یاتقیزیشنی ایسته‌یدی که ۱۵۰ ایشخانه قوریله‌دی. اوشبو ایشخانه‌لرده ساختمانی ماده‌لر ایشلب چیقاریله‌دی.»
شونده‌ی بیرحالده، اقتصادی مسئله‌لر بوییچه ایش بیلرمان‌لردن قطاری، مملکت نینگ حاضرگی وضعیتی گه بناً خارجی بیر سرمایه یاتقیزووچی تامانیدن ۱۵۰ ایشخانه قوریلیشینی مهم آدیم عنوان قیله‌دیلر.
اقتصادی مسئله‌لر بوییچه ایش بیلرمان تاج‌محمد تلاش نینگ ایتیشیچه، اوشبو ایشخانهلر نینگ قوریلیشی بیلن ایش‌سیزلیک و قشاق‌لیک میزانی کمه‌یب و افغانستان تولیدی بیر مملکت گه اوزگریشی اوچون یاردم بیریشی ممکن.
بیزلرنینگ توییترده هم تعقیب قیلینگ!
بو عین‌حالده، جمهوریت تیزیمی قوللشیدن کیین، قطار کیشی‌لر وظیفه‌لرینی قولدن بیرگن و حاضر اولکه فقرالریدن اکثریتی، بیکارچیلیک و قشاق‌لیک بیلن روپه‌ره دیر.
بیرلشگن ملت‌لر تشکیلاتی نینگ آزیق_آوقت خلق‌ارا دستوری نینگ ینگی بیاناتی گه بناً افغانستان خلقی نینگ ۹۸ فایزی ییترلی ییگولیک ماده‌لر گه دسترسلیکلری یوق و هر ۱۰ عایله‌دن، ۷ عایله آوقت‌لرینی قرض آلیب تیارله‌یدیلر.
