فلسطین رسمی‌لری نینگ اعلام قیلیشلریچه، غزه شهری‌ده ایکی بویوک کسلخانه، فعالیت‌لری نی توخته‌تگن.
«الشفا» و «القدس» کسل‌خانه‌لری اسرائیل نینگ هجوم‌لری، دارو و یاقیلغی ماده کم‌لیگی سبب، ینگی کسل‌لر نی قبول قیلیش جریانی نی توخته‌تگن.
اوشبو کسلخانه مسئوللری اوتگن کون (یک‌شنبه، ۱۲-نوامبر)، مذکور کسلخانهده کسل‌لر و ایشلاوچیلر نینگ قوتقریش اوچون عاجل اقدام گه نیاز بارلیگی نی اَیتگنلر.
بیزلرنینگ «ایکس» ترماغی ده هم تعقیب قیلینگ!
الجزیره خبری ترماغی الشفا کسل‌خانه‌سی نینگ ساغلیق بولیمی مسئوللریدن نقل قیلیب گزارش بیریشیچه، اوشبو کسلخانهده کسل‌لر و ساغلیق بولیمی ایشلاوچیلری، برق، سوو و اوتیب-قیتیش اوچون تینچ یول‌لر یوقلیگی بیلن، «هلاکت‌لی» وضعیت گه دوچ بولگنلر.
فلسطین قاچقین‌لری اوچون بیرلشگن ملت‌لر تشکیلاتی ایش و یاردم دستوری نینگ (UNRWA) اعلام قیلیشیچه، جمعه کونی‌دن حاضرگچه الشفا کسل‌خانه‌سیده اوچ همشیره اسرائیل هجوم‌لری نتیجه‌سیده اولگن دیر. شونینگدیک اوشبو کسلخانهده اوچ چقه‌لاق هم جان بیرگن.
اسرائیل نینگ ادعا قیلیشیچه، الشفا کسل‌خانه‌سیدن چقه‌لاق‌لر نینگ چیقریلیش بویروغی نی بیریب و ۳۰۰ لیتر یاقیلغی ماده نی کسلخانه نینگ کیریش ایشیگی‌ده قرار بیرگن، بیراق حماس تامانیدن منع بولگن؛ لیکن بو ادعا نی حماس رسمی‌لری رد قیلگن دیر.
بیزلرنینگ فیسبوک صحیفه‌میزگه باش اورینگ!
فلسطین نینگ قیزیل آی جمعیتی دفتری گه کوره، «القدس» غزه ده‌گی ایکینچی بویوک کسل‌خانه‌دیر که ایشی نی توخته‌تگن و ساغلیق بولیمی ایشلاوچیلری بوندن آلدین آز دارو، آزیق-آوقت و سوو بیلن مذکور کسلخانهده بولگن کسل‌لردن مراقبت قیلیش اوچون سعی و حرکت قیلماقده‌لر.
گزارش‌لر اساسیده، غزه ده‌گی ۳۵ کسل‌خانه‌دن یریمی‌دن آرتیغی نینگ فعالیتی اسرائیل هجوم‌لری سبب توخته‌گن دیر.
حماس و اسرائیل آتیشمه‌لری نینگ سونگی تلفات آماری گه کوره، کرانه‌ی باختری و غزه شهری‌ده ۱۱۰۷۰دن آرتیق فلسطین اهالی‌سی و اسرائیل ده ۱۴۰۰ کیشی هلاک بولگن دیر.
