قندوز معارف ریاستی مسئول‌لری نینگ ایتیشلریچه، اوشبو ولایتده قیزلر نینگ اورته و لیسه مکتب‌لری، برچه قیز اوقووچیلر یوزی گه آچیق دیر و حاضرگچه چیکلاو یره‌تیلمه گن.
قندوز معارف ریاستی شهری معارف آمری محمدحافظ کاکر نینگ سلام‌وطندار گه ایتیشیچه، ۱۴۰۱-تعلیمی ییل باشله‌نیشی بیلن، اوشبو ولایت بویلب برچه‌لر مکتب‌لر بیرینچی صنف‌دن اون ایکینچی صنف قیز اوقووچیلری یوزی گه آچیق دیر.
بیزلرنینگ فیسبوک صحیفه‌میزگه باش اورینگ!
جناب کاکر نینگ کوپه‌یتیریشیچه، قندوز ولایتیده‌گی اوقیتووچیلر نینگ آی‌لیگی و درس‌لیک کمچیلیک‌لری مرکز بیلن پایله‌شیلگن.
عین‌حالده، قندوزده‌گی قیز اوقووچیلردن بیرقطاری نینگ سلام‌وطندار گه ایتیشلریچه، اوتگن کونی مکتب بارگن و حاضرگچه هیچ بیر توسقینلیککه روپه‌رو بولمه‌گن. قندوزده اوقووچیلردن باشقه بیری صبرینا، مذکور ولایتده‌گی برچه قیز اوقووچیلریدن، سبق‌لری گه دوام بیریش اوچون مکتب باریش‌لرینی سوره‌یدی.
اوقووچیلردن باشقه بیری شیلا نینگ تأکیدلشیچه، اولر اسلامی حجاب و اسلامی امارت نینگ قانون-قاعده‌لری اساسیده مکتب باریب و درس‌لری گه دوام بیرماقده‌لر.
باشقه تاماندن قندوز یشاوچیلری، ینگی ییل‌نی تینچ بیر فضاده باشله‌گنلرینی بیلدیره‌دیلر. قندوز یشاوچیلریدن محمدبشیر سحر، قیزلر گه مکتب باریش شرایطی یره‌تیلیشیدن خورسندلیک بیلدیریب ایتیشیچه، قندوزده‌گی قیزلر اسلامی حجاب بیلن درس‌لری گه دوام بیرماقده‌لر.
بیزلرنینگ توییترده هم تعقیب قیلینگ!
بو عین‌حالده، ینگی تعلیمی ییل باشله‌نیشی بیلن، معارف وزیرلیگی، آلتینچی صنف‌دن یوقاری قیز اوقووچیلری گه مکتب باریش اجازه ایمسلیگینی اعلام قیلدی. برچه‌سی بیلن هرات و بادغیس شامل قطار ولایت‌لرده بو توغریده چیکلاو یره‌تیلمه‌گن.
