بدخشان محلی مسووللری نینگ ایتیشلریچه، قندوز ولایتیدن آواره بولگن ۲۰۰ عایله بدخشان ولایتیگه کیلگنلر. بدخشان مسووللریگه کوره، مذکور عایلهلر بدخشانلیک دیر، لیکن اوزن مدتدن بویان قندوز ده حیات کیچیرهریدیلر.
بدخشان حاکمی سوزلاوچیسی نیکمحمد نظری نینگ ایتیشیچه، قندوز ولایتیدن آواره بولیب بو ولایتگه کیلگن عایلهلرگه بدخشان محلی ادارهسی تامانیدن یاردم بیریلهدی. جناب نظری نینگ کوپهیتیریشیچه، اوشبو عایلهلر طالبان گروهی نینگ ظلم و فشارلری سبب، فیضآباد شهریگه کیلگنلر.
عینحالده، بدخشان حاکمی احمدبشیر صمیم، قندوز ولایتیدن آواره بولیب بدخشان ولایتیگه بارگن عایلهلر نمایندهلری بیلن اوچرهشیب اولرنینگ قیینچیلیکلرینی حل قیلیش اوچون طبیعی حادثهلرگه قرشی کورهش ادارهسیگه بویروغ بیرگن.
بدخشان حاکمی اوتگن کونی ایرتهدن چاغیده آوارهلر توپلنگن محلگه باریب اولرنی قیینچیلیکلرینی یقین دن کورگن و قیینچیلیکلرینی حل قیلیش اوچون سعی و حرکت قیلیشیدن ایشانچ بیرگن.
مسووللرنینگ ایتیشلریچه، طبیعی حادثهلرگه قرشی کورهش ریاستی، مهاجر آمرلیگی و یاردم بیرووچی نهادلر ایکی کوندن بویان محلگه حضور تاپگنلر و آواره بولگنلرگه یاردم بیرماقدهلر.
بدخشان حاکمی نینگ ایتیشیچه، «جایسیز بولگنلر مناسب وضعیتده ایمسلر» ملی و خلق ارا نهادلرنی اولرگه یاردم بیریشی کیرهک.