قندوز ملی رادیو تلویزیونی نینگ خبرچیسی سیدحکیم حکیمی، فیسبوکی بیر پُست آرقه‌لی یازیشیچه «نهایتده تیریک قالیش اوچون، اوی ملزمه‌لرینی ساتیش گه زورلندیم.»
جناب حکیمی نینگ ایتیشیچه، اسلامی جمهوریت تیزیمی سقوط قیلیب و اسلامی امارت قدرت گه ایریشگنیدن کیین بو بیرینچی مرته که عایله اعضالریگه آذیق-آوقت تیارلش اوچون اوی ملزمه‌لرینی ساتیش گه زورلنگن.
اونگه کوره، دستلبکی ماده‌لرنینگ بهاسی یوقاری کیتیشی گه علاوه، قیش موسومی ده بی‌معاشلیک و بی‌روزگارلیک دوام تاپگن صورتده، افغانستان ده انسانی فاجعه یوزبیریشی نینگ احتمالی بار.
بیزلرنینگ فیسبوک صحیفه‌میزگه باش اورینگ!
اوشبو خبرچی نینگ یازیشیچه: «بو آغیر بیر غم دیر نان کیلتیرووچیلر اوچون که نیمه قیلیش‌لرینی بیلمه‌یدیلر. کتته بیر درد دیر آنه‌لر اوچون که بوش دسترخوان اوچون نیمه بهانه کیلتیریش‌لرینی بیلمه‌یدیلر و باله‌لر اوچون کتته بیر سوال که قچان قان‌لری توییب نان ییش نی بیلمه‌یدیلر.»
سیدحکیم حکیمی‌زاده قندوز ولایتی نینگ امام‌‌صاحب تومنیده توغیلگن. او نیچه ییل دن بویان قندوز ملی رادیو تلویزیونی ده خبرچی صفتیده ایش قیله‌دی ایدی و بو بیرینچی مرته که فقر و یمان اقتصادی وضعیت باعث اویی نینگ ملزمه‌لرینی ساتیش گه زورلنگن.
