مملکت بوتونلی طالبان نظارتی گه اوتیشی بیلن، چیت‌ایللیک کوچلر و خبرچیلر شامل تهدید آستیده بولگن کیشیلرنینگ، مذکور مملکتدن چیقاریش پروسه‌سی باشلندی.
مملکت‌لردن قطاری خبرچیلرنینگ قبول قیلیش اوچون اوز تیارگرلیگی نی کورستدی. خبرچیلر و تهدید آستیده بولگن کیشیلرنینگ چیقاریش پروسه‌سی یکونلنگن بیرحالده، بیراق نشر ایتیلگن گزارشلرنینگ کورستیشیچه، قطار کیشیلر ساخته خبرچیلیک حجتی بیلن، افغانستان دن چیققن.
خبرچی‌لردن قطاری بوگون کابل ده خبری بیر ییغین اوتکزیب ایتیش‌لریچه، تهدید آستیده بولگن کیشیلر اینیقسه خبرچیلرنینگ چیقاریش پروسه‌سی تنیق بولمه‌گن و نهادلر قطار کیشیلرنینگ سندلر و حجت‌لرنی تیکشیرمسدن، پول بدلی ده افغانستان دن چیقارگن.
بیزلرنینگ فیسبوک صحیفه‌میزگه باش اورینگ!
افغانستان خبرچیلر گروهی مسئولی نصیر اخترزی نینگ ایتیشیچه، خبرچی نامیده افغانستان دن چیقاریلگن کیشیلرنینگ سندی، جدی شکلده تیکشیریلیشی کیره‌ک.
«بو پروسه تنیق ایمس ایدی، اولرنینگ سندلری تیکشیریلیب و رسانه‌لر بیلن علاقه گه اوتیلیشی کیره‌ک ایدی. بولرگه علاوه، مدنی جماعه‌چیلیک اعضالریدن اولرنینگ کیم‌لیگی و قیسی نهاد گه تیگیشلی بولگن‌لری خصوصیده سوره‌لیشی کیره‌ک ایدی. کابل و قطار ولایت‌لرده مطبعه‌لر بار که اولر ۱۵۰ الی ۴۰۰ دالر بدلی ده ایشانچلی رسانه‌لردن هر قندی سند توزه‌ته‌دی.»
خبرچی‌لردن باشقه بیری فروزان خلیل‌یار نینگ ایتیشیچه، واقعی خبرچیلرنینگ جانی مصوونیتی بولمه‌ی و اولر کوپ قیینچلیکلر بیلن روپه‌رو بولگن بیرحالده، ساخته خبرچیلیک حجتی توزه‌تیش بیلن خبرچی نامیده قطار کیشیلرنینگ افغانستان دن چیققنی اولرنینگ خواطرلنتیرگن.
شونده‌ی بیرحالده، افغانستان طالبان نظارتی گه اوتیشی بیلن، غربی بیر رسانه تامانیدن نشر ایتیلگن بیر غربی رسانه نینگ گزارشی اساسیده، کام‌ایر هوایی شرکتی قراردادی بیر پرواز ده ۱۵۵ ایشلاوچیسی و اقارب‌لرینی خبرچی نامیده افغانستان دن چیقارگن.
