افغانستان خبرچی‌لری مرکزی، اوتگن کون شام چاغی کابل شهری دشت برچی منطقه‌سی نینگ «گولایی مهتاب‌قلعۀ» منطقه‌سیده یوزبیرگن پارتلش ده، آریانانیوز تلویزیونی نینگ سابق ایشلاوچیسی حمید سیغانی نینگ هلاک ایتیلگنی نی تصدیقله‌گن.
حمید سیغانی، آریانانیوز خبرچیسی فوزیه وحدت نینگ تورموش اورتاغی ایدی. شونینگدیک خانم وحدت فیسبوکی ده تورمورش اورتاغی نینگ هلاک ایتیلگنی نی تصدیقله‌گن.
بیزلرنینگ فیسبوک صحیفه‌میزگه باش اورینگ!
عین حالده، خبرچیلر و رسانه‌لرنینگ قضیه‌لری نینگ تیکشیرووچی کمیسیون اعضاسی حجت‌الله مجددی نینگ قطار رسانه‌لرگه ایتیشیچه، حمید سیغانی آریانا نیوز تلویزیونی نینگ تخنیک بولیمی نی سابق ایشلاوچیسی ایکن و او ایسه اوتگن کون شام چاغی کابل شهری نینگ دشت برچی منطقه‌سیده یوزبیرگن پارتلش ده جان بیرگن.
اسلامی امارت سوزلاوچیسی ذبیح‌الله مجاهد، تونس تیپلی بیر موترنینگ اوت گه یانگنی باعث بو پارتلش یوزبیرگن دیدی، بیراق حادثه شاهدلری نینگ ایتیش‌لریچه، پارتلش ماده آلدین دن بو موتر گه جایلشتیریلگن ایکن.
شونینگدیک جناب مجاهد بو حادثه ده بیر کیشی هلاک و ایکی کیشی یره‌لنگنی نی ایتگن. اونگه کوره، قربانیلر برچه‌سی تینچ‌اهالی دیر. بیراق حادثه شاهدلری نینگ ایتیش‌لریچه، بو حادثه نینگ تلفات آماری یوقاری دیر.
حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
