قطر تشقی ایشلر وزیرلیگی قیزلر نینگ اورته و لیسه مکتب‌لری آچیلمسلیگیگه عکس‌العمل کورسه‌تیب، بیانه ترقه‌تگن. بیانیه‌ده کیلیشیچه، اوشبو مملکت کیینگی امرگچه قیزلر نینگ مکتب‌لری یاپیق قالیشی اوچون اسلامی امارت نینگ قراری‌دن خواطرینی بیلدیرگن.
قطر تشقی ایشلر وزیرلیگی نینگ ایتیشیچه، بو قرار بشر حقوقی، افغانستان وضعیتی و اقتصاد اوستیگه سلبی تاثیر قیلیشی ممکن. بیانیه‌ده کیلیشیچه: «قطر اسلامی بیر مملکت اوله‌راق، برچه عیال‌لر گه تعلیم‌دن آلیب بوتون ساحه‌لر گه حق قایل بولگن، افغانستان سرپرست دولتی، اسلام قانون-قاعده‌لری اساسیده خاتین قیزلر نینگ حقوقی گه دایر اوز قرارینی قیته تیکلشی کیره‌ک.»
بیزلرنینگ فیسبوک صحیفه‌میزگه باش اورینگ!
مذکور وزیرلیک نینگ تأکیدلشیچه، قطر افغانستان‌لیک و خلق‌ارا شیریک‌لری بیلن، افغانستان بوتون فقرالری تعلیم حقی‌گه ایگه بولیشلریدن ایشانچی کامل بولیش گه متعهد دیر.
عین‌حالده، بیرلشگن ملتلر تشکیلاتی نینگ باش کاتبی آنتونیو گوترش، اسلامی امارت قراری گه مناسبت بیلدیریب ایتیشیچه، آلتینچی صنف‌دن یوقاری قیزلر گه مکتب باریش اجازه‌سی بیریلمسلیگی‌دن تأسف‌ده دیر.
گوترش اعلامیه ترقه‌تیب ایتیشیچه، ینگی تعلیمی ییل باشله‌نیشی بیلن برچه قیز واوغیل باله‌لر مکتب باریش گه اینتیلماقده ایدیلر، لیکن اونگه کوره، «آلتینچی صنف‌دن یوقاری قیزلر گه مکتب باریش اجازه‌سی بیریلمسلیگی، افغانستان خلقی اوچون کتته ناامیدلیککه سبب بولگن.»
بیزلرنینگ توییترده هم تعقیب قیلینگ!
بیرلشگن ملتلر تشکیلاتی نینگ باش کاتبی، اسلامی امارت لیدرلریدن، مکتب‌لرنی تیزلیک بیلن قیزلر یوزی گه آچیشینی سوره‌گن.
ایتیش کیره‌ک که، اسلامی امارت حاکمیت گه ایریشی بیلن، آلتینچی صنف‌دن یوقاری قیزلر گه مکتب باریش اجازه‌سینی بیرمه‌دی. اسلامی امارت معارف وزیرلیگی، ینگی تعلیمی ییل‌ده مملکت بویلب برچه مکتب‌لر قیز و اوغیل باله‌لر یوزی گه آچیلیشینی ایتگن ایدی، بیراق بو قرار کیینگی امرگچه توخته تیلدی.
