بیرلشگن ملتلر تشکیلاتی بنگیوار مادهلر بیلن قرشی کورهش ادارهسینینگ اعلام قیلیشیچه، ایتالیا تشقی ایشلر وزیرلیگی همکارلیگی بیلن، افغانستان ده عیاللر اوچون قانونی و برقرار درآمد منبعلرینینگ یرهتیش دستورلرینی قوللب-قوتلهیدی.
مذکور نهادنینگ بوگون (۲۱-سرطان/ ۱۲-جولای، یکشنبه)، اکس صحیفهسیده یازیشیچه، افغانستان دهگی عیاللر امکانیتلری کینگهیتیریلیشی آرقهلی اولر اوچون قانونی همده برقرار اقتصادی فرصتلرنی یرهتیشگه سعیوحرکت قیلماقده.
بیرلشگن ملتلر تشکیلاتی بنگیوار مادهلر بیلن قرشی کورهش ادارهسیگه کوره، بدیل درآمد منبعلری یرهتیلیشیده عیاللرنینگ حمایت بولیشی، عایلهلرگه تریاک ایکیشدن اوزاق بولیب، دایمی همده قانونی درآمد منبعلرینینگ یرهتیشلریگه یاردم بیره آلهدی.
اوشبو نهادنینگ کوپهیتیریشیچه، عیاللر عایلهلر اقتصادی رواجلنیشی، آزیق-آوقت خوفسیزلیگی یخشیلنیشی و اقتصادی همده اجتماعی قیینچیلیکلر برابریده مستحکم جمعیت یرهتیلیشیده مهم اورینگه ایگهلر.
افغانستان قیشلاق حدودلری اقتصادینینگ اَیریم بولیملری اوتگن نیچه دههدن بویان کوکنار ایکیشگه تیگیشلی بولگن دیر. خلقارا تشکیلاتلر سونگی ییللرده بدیل درآمد منبعلری دستورلرینی عملگه آشیریش بیلن دهقانلرگه قانونی اقتصادی فرصتلرنی یرهتیش مقصد سعیوحرکت قیلگن.
