بیرلشگن ملتلر تشکیلاتی انسان حقلری کینگشی اوشبو هفته دوشنبه کونی، افغانستان ده انسان حقلری وضعیتی گه دایر، سویس پایتختی ژینو شهری ده ییغیلیش یولگه قوییب و اوشبو ییغیلیش ده بیرلشگن ملتلر تشکیلاتی نینگ مخصوص گزارش‌گری ریچارد بنت افغانستان ده بشری وضعیت باره‌سیده معلومات بیریشی کوتیله‌دی.
ریچارد بنت نینگ اوتگن هفته پنج‌شنبه کونی ترقه‌لگن گزارشی بیر بولیمیده کیلیشیچه، اسلام امیرلیگی چیکلاو ۵۰ فرمان صادر قیلیب خاتین قیزلرنی عمومی مکان‌لردن حذف قیلگن، بو وضعیت خاتین قیزلر نینگ افسرده‌لیگی، اوزینی اولدیریش، قانونی یاشنی تولدیرمس دن و زوردن تورموش گه چیقیش‌لری گه سبب بولگن.
بیزلرنینگ فیسبوک صحیفه‌میزگه باش اورینگ!
عین‌حالده، قریب ایکی ییل دن بویان مکتب باره آلمه‌گن سمیرا گه کوره، کیله‌جگی دن امیدوار ایمسلیگی و اوی ده اولتیریش اوز جانی گه قصد قیلیب اوزینی اولدیریش درجه‌سیگه آلیب کیلگن. او نینگ کوپه‌یتیریشیچه، مکتب‌لر ایشیگی یاپیلیشی دن کیین کونسه‌یین روحی قیینچیلیگی آرتماقده دیر.
سمیرا نینگ ایتیشیچه: «ایرته‌لب دن آخشم‌گچه اوخلب یا که ایغلر ایدیم. برچه نرسه‌لریمنی سیندیردیم. اوز جانیم گه قصد قیلمسلیک اوچون آته_آنم مینی یالغیز قویمر ایدیلر.»
شونینگدیک، جمهوریت توزومی قولشیدن کیین یره‌تیلگن چیکلاولر قربانی بولگن‌لردن باشقه بیری فیروزه گه کوره، کیله‌جک دن امیدسیزلیک و تحصیل قیله آلمسلیک باعث، عایله اعضالری اونی تورموش گه چیقریش گه تن بیریشینی طلب قیلگنلر. او نینگ ایتیشیچه، اوشبو وضعیت گه ییچیم یول تاپیلمه‌گن تقدیرده، تیزلیک بیلن زوردن تورموش گه چیقیش قربانی بولیشی ممکن.
فیروزه نینگ کوپه‌یتیریشیچه: «عایله اعضالریم احساس‌لی انسان‌لر دیر حاضرگی وضعیت و یره‌تیلگن چیکلاولرنی درک قیلیشه‌دی؛ بیراق باشقه چاره قالمه‌گن دیب تورموش گه چیقیش گه تن بیریشیمنی ایسته‌یدیلر.»
باشقه تاماندن، سیاسی مسئله‌لر ایش بیلرمانی یوسف امین زازی، بیرلشگن ملتلر تشکیلاتی نینگ ییغین اوتکزیشی و افغانستان ده انسان حقلری باره‌سیده ریچارد بنت نینگ گزارشی گه مناسبت بیلدیریب ایتیشیچه، بو گَل ییغیلیش‌لر اسلام امیرلیگی اوستیده باسیمنی کوچه‌یتیریشی ممکن؛ بیراق افغانستان ده موجود وضعیت حلی اوچون هیچ اونمی یوق دیر.
بیزلرنینگ توییترده هم تعقیب قیلینگ!
اونگه کوره: «هر کیم نینگ تعلیم و تحصیل قیلیش گه حقی بار. دنیا بیز باره‌میزده قرار آلیش اورنیده بیز افغان‌لر اوز حقیمیزدن اوزیمیز دفاع قیلیشیمیز کییره‌ک. بو ییغیلیش هیچ نتیجه بیرمه‌یدی و یشاوچیلر گه هیچ اونمی یوق دیر.»
اسلام امیرلیگی ریچارد بنت نینگ گزارشینی ناتوغری و مذکور گزارش ده ذکر ایتیلگن ادعالرنی عقده‌مندلیک عنوان قیله‌دی. اسلام امیرلیگی سوزلاوچیسی نینگ اورین باسرلریدن بلال کریمی، دنیا افغانستان اسلامی اعتقادلری گه قرشی عمل قیلمسلیگی کیره‌ک دیدی.
کریمی نینگ کوپه‌یتیریشیچه: «افغانستان واقعیت‌لری گه ماس بولیشی کیره‌ک. عقده‌مندلیک و ناتوغری ادعالر بولمسلیگی لازم. انسان حقلری باره‌سیده بولگن ادعالر بیر تامانلمه دیر. کیسکین روشده چیکلاولرنی رد قیله‌میز. دنیا اعتقادلریمیز گه حرمت قیلیشی کیره‌ک.
عین‌حالده، قریب سونگی ایکی ییل ده، خاتین قیزلر تعلیم، تحصیل، ایش و سپورت کبی اساسی حقوق‌لریدن محروم بولیب و اوی ده اولتیریش گه محکوم بولگنلر.
