آلتینچی صنف‌دن یوقاری قیز اوقووچیلری گه مکتب باریش اجازه‌سی بیریلمسلیگیگه دایر مناسبت‌لر دوامیده، آمریکا تشقی ایشلر وزیری آنتونی بلینکن بیر بیانیه ترقه‌تیب ایتیشیچه، اسلامی امارت اوز قرارینی لغو قیلمه‌گن تقدیرده، اسلامی امارت نینگ دنیا بیلن مناسبت‌لری گه زیان ییتکیزه‌دی.
آمریکا تشقی ایشلر وزیری نینگ تأکیدلشیچه، تعلیم بشری حق دیر و آمریکا، اسلامی امارت نینگ مملکت بویلب مکتب‌لر قیزلر یوزی گه آچیلیش بهانه‌لرینی رد قیله‌دی.
بیزلرنینگ فیسبوک صحیفه‌میزگه باش اورینگ!
جناب بلینکن نینگ کوپه‌یتیریشیچه: «اسلامی امارت اوز قرارینی لغو قیلمه‌گن تقدیرده، اقتصادی ترقیات و اسلامی امارت نینگ دنیا جماعه‌چیلیگی بیلن مناسبتی یخشی‌لنیش امیدوارلیکلری گه زیان ییتکیزه‌دی.»
آمریکا تشقی ایشلر وزیری نینگ تأکیدلشیچه، افغان قیزلری یانیده عایله‌لری که بیلیم‌نی جامعه آسایشته‌لیگی و افغانستان ترقیاتی اوچون حل یول بیله‌دیلر، قرشی توختش‌لری ممکن.
عین‌حالده، آمریکا نینگ افغانستان اوچون مخصوص نماینده‌سی توماس وِست، اوز توییتری‌ده یازیشیچه، آلتینچی صنف‌دن یوقاری قیز اوقووچیلری گه مکتب باریش اجازه‌سی بیریلمسلیگی، افغانستان خلقی و دنیا همجمعیت گه بیرگن وعده‌لر گه خیانت قیلیش دیر.
اونینگ ایتیشیچه: «مین بوگون میلیون‌لرچه افغان عایله‌سی بیلن قوشیلیب، شوک و ناامیدلیکنی، اسلامی امارت نینگ قراری گه قرشی بیلدیره‌من.»
آمریکا نینگ مخصوص نماینده‌سی اسلامی امارت‌دن، مملکت کیله‌جگی و دنیاجماعه‌چیلیگی بیلن مناسبت‌لرینی مستحکم‌لش مقصدیده، اهالی گه بیرگن وعده‌لری گه عملی قیلیشلرینی سوره‌یدی.
بیزلرنینگ توییترده هم تعقیب قیلینگ!
قیزلر نینگ مکتب‌لری اوتگن ییلی، ۲۴ اسدده اسلامی امارت قدرت‌نی قولگه آلیشی بیلن یاپیلدی. اسلامی امارت دستلب بیرینچی صنف‌دن آلتینچی صنف قیز اوقووچیلری گه مکتب باریش اجازه‌سینی بیردی و کیین ایسه، قویایش ینگی ییل‌ده برچه مکتب‌لر قیزلر یوزی گه آچیلیشیدن وعده بیرگن ایدی.
قیزلر نینگ مکتب‌لری آی‌لر توخته‌لیشدن کیین اوتگن کونی آچیلیشی کوتیلر ایدی، بیراق معارف وزیرلیگی، قیزلر نینگ اورته و لیسه مکتب‌لری کیینگی امرگچه یاپیق قالیشینی اعلام قیلدی.
