ایران‌ده افغان قاچقینچیلری اوستیگه ظلم بولیشی و کلتکله‌نیش‌لری گه دایر کابل یشاوچیلریدن قطاری، بوگون اعتراض بیلدیردیلر. اعتراضچیلر بیرلشگن ملت‌لر تشکیلاتی و خلق‌ارا نهادلردن ایران‌لیکلر تامانیدن افغانستان قاچقینچیلری اوستیگه بولگن ظلم برابریده بی‌فرق بولمسلیکلرینی طلب قیلدیلر.
اوشبو ناراضی‌لیک نمایش‌ده، افغانستان مدنی نهادلری و مردمی بیرلشیش کینگشی نینگ عمومی باشلیغی ظاهرخان زرمتی نینگ ایتیشیچه، اسلامی امارت تیزلیک بیلن، قاچقینچیلر نینگ قیینچیلیکلرینی دیپلماتیک یول بیلن حل قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
اعتراضچیلر نینگ ایتیشلریچه، ایران‌لیکلر نینگ زوروانلیگی و ظلمی دوام ایتگن تقدیرده، اوشبو مملکت گه قرشی اعتراض‌لر کینگه‌یشی ممکن. اعتراضچیلردن صبغت‌الله حسیب نینگ ایتیشیچه: «ایران افغان‌لر برابریده، اخلاق‌سیزلیک و انسانیت گه قرشی بو گَل حرکت‌لری گه دوام بیرگن تقدیرده، اعتراض‌لریمیزگه دوام بیره‌میز.»
بو عین‌حالده اوتگن کونی هرات، کابل و باشقه قطار ولایت‌لرده، ایران نینگ سیاسی نماینده‌لیکلری برابریده کینگ کولمده ناراضی‌لیک نمایش‌لر اوتکزیلدی، هرات ده‌گی اعتراضچیلر، ایران قنسول‌گرلیکی ایشیگینی الاو بیریب و قنسول‌گرلیککه قرشی تاش آتدیلر.
بیزلرنینگ توییترده هم تعقیب قیلینگ!
بوگون ایران تشقی ایشلر وزیرلیگی، کابل و هرات‌ده اوشبو مملکت نینگ سیاسی نماینده‌لیکلری اوستیگه هجوم بولیشی‌گه قرشی، افغانستان نینگ تهران ده‌گی ایلچیخانه سرپرستینی چقیرگنینی اعلام قیلگن. اعلامیه اساسیده، افغانستان دولتی تامانیدن امنیت برقرار ایتیلیشی اوچون ایشانچ‌لری کامل بولمه‌گونچه، افغانستان‌ده ایران قنسول‌گرلیگی نینگ نماینده‌لیکلری توخته‌تیله‌دی.
ایتیش کیره‌ک که، ایران‌ده افغان مهاجرلری گه قرشی زوروانلیکلر ینگی‌لیک ایمس؛ بیراق بوندن آلدین ایش بیلرمان‌لردن قطاری و شونینگدیک ایران نینگ کابل ده‌گی ایلچیخانه‌سی، اجتماعی صحیفه‌لرده زوروانلیک ویدیولرنی ترقه‌تیب و ایکی مملکت نینگ مناسبت‌لرینی بوزیش اوچون بعضی‌لر سعی-حرکت قیله یاتگنینی ایتگن ایدیلر.
