اسلامی امارت مسئول‌لری، بوگون کابل‌ده امانی لیسه‌سیده یولگه قوییلگن مراسمده (قویاش ۱۴۰۱) ینگی تعلیمی ییل‌نی رسمی روشده باشله‌دیلر. ینگی تعلیمی ییل قونغیراغی آلتینچی صنف‌دن یوقاری قیز اوقووچیلری حضور سیزلیگی بیلن چلیندی.
ینگی تعلیمی ییل باشله‌نیشی مراسمیده، اسلامی امارت ادارۀ امور اورین باسری شیخ نورالحق، تعلیمی مرکزلر ستندرد بولیشی اوستیگه تأکیدلب ایتیشیچه، تعلیمی مرکزلر اولکه ارزش‌لری گه ماس بولیشی کیره‌ک.
بیزلرنینگ فیسبوک صحیفه‌میزگه باش اورینگ!
عین‌حالده، اوشبو مراسمده معارف وزیرلیگی نینگ اداری و منبع‌لر معینی سعیداحمد شهیدخیل گه کوره، اسلامی امارت اوتگن ۲۰ ییل‌ده بیلیم اوچون کوپ قربانلیکلر بیرگن. او اوقووچیلردن مملکت ترقیاتی و علمی مرکزلرنی ایجاد ایتیش اوچون ابوریحان البیرونی، فخر رازی و ابن سینا کبی تلاش قیلش لرینی طلب قیلدی.
معارف وزیرلیگی نینگ اداری معینی گه کوره، اولکه یشاوچیلری موجود قیینچیلیکلر برابریده صبر و تحمل قیلیش لری کیره‌ک.
بو عین‌حالده، اسلامی امارت قدرت‌نی قولگه آلیشی بیلن، سونگی ۷ آی‌ده، ۶- صنف‌دن یوقاری قیزلر گه مکتب باریش اجازه‌سی بیریلمه‌گن. اسلامی امارت بو توغریده‌گی خلق‌ارا مناسبت‌لر گه قره‌مسدن، ینگی طرح ایجاد ایتیلیشی اوستیگه تأکید ایتماقده‌لر.
بیزلرنینگ توییترده هم تعقیب قیلینگ!
اسلامی امارت معارف وزیرلیگی اوتگن کونی، برچه مکتب‌لر بیرینچی صنف‌دن ۱۲-صنف گچه آچیلیشینی اعلان قیلگن ایدی؛ لیکن اورته و لیسه قیز اوقووچیلری گه بوگون مکتب باریش اجازه‌سی بیریلمه‌دی.
