افغانستان اوچون آمریکا ایلچیلیگی نینگ سرپرستی یان مک‌کری، ۶- صنف‌دن یوقاری قیز اوقووچیلر گه مکتب باریش اجازه‌سی بیریلمسلیگینی «جوده‌هم امید سیزلیک» عنوان قیلگن. او بوگون توییتری‌ده، اسلامی امارت ۶- صنف‌دن یوقاری قیز اوقووچیلر گه رخصت بیرمسلیگیگه دایر ترقه‌لگن گزارش‌لرنی، جوده‌هم خواطرلی دیب یازگن.
افغانستان اوچون آمریکا ایلچیلیگی نینگ سرپرستی گه کوره، اسلامی امارت نینگ بو قراری «جوده‌هم امید سیزلیک و اولر نینگ بیانات‌لری گه قرشی دیر.» اونینگ تأکیدلشیچه «برچه افغان یاش‌لری تحصیل قیلیش گه سزاوار دیر.»
بیزلرنینگ فیسبوک صحیفه‌میزگه باش اورینگ!
بو عین‌حالده، نیچه کون آلدین اسلامی امارت معارف وزیرلیگی، ۱۴۰۱-ییل حمل آی‌ده مملکت بویلب برچه مکتب‌لر قیز و اوغیل اوقووچیلر یوزی گه آچیلیشیدن خبر بیرگن ایدی. قیزلر نینگ مکتب‌لری آی‌لر وقفه‌دن کیین بوگون آچیلیشی کوتیلر ایدی، لیکن معارف وزیرلیگی، قیزلر نینگ اورته و لیسه مکتب‌لری کیینگی امر گچه یاپیق قالیشینی اعلام قیلدی.
اسلامی امارت معارف وزیرلیگی نینگ بیانیه‌سیده کیلیشیچه، مکتب‌لر نینگ کییمی، افغان‌لر کلتوری، عرف-عادت‌لری همده شرعیت گه ماس تیارلنگن تقدیرده، قیز مکتب‌لری اسلامی امارت رهبری نینگ حکمی اساسیده آچیلیشی ممکن.
بیزلرنینگ توییترده هم تعقیب قیلینگ!
قیزلر نینگ مکتب‌لری یاپیق قالیشی کینگ مناسبت‌لر گه سبب بولگن. بیرلشگن ملت‌لر تشکیلاتی نینگ افغانستانده‌گی اورین باسرلیک هیأت دفتری یا یوناما، آلتینچی صنف‌دن یوقاری قیزلر گه مکتب باریش اجازه‌سی بیریلمسلیگیگه دایر اسلامی امارت معارف وزیرلیگی نینگ بیانه‌سی خصوصیده افسوس بیلدیرگن. شونینگدیک خلق‌ارا کیچیریم تشکیلاتی بو توغریده خواطر بیلدیرگن.
