تشقی ایشلر وزیرلیگی سیاسی معینی نینگ ایتیشیچه، افغانستان ده قیزلر مکتبلری نینگ آچیلیشی برابرده هیچ قنده‌ی شرعی توسیق موجود ایمس.
اسلامی امارت سرپرست حکومتی نینگ تشقی ایشلر وزیرلیگی سیاسی معینی شیرمحمد عباس استانکزی، بوگون (سه‌شنبه، ۵-میزان) کابل نینگ دارالامان سرایی‌ده خلق‌ارا توریزم کونی نینگ نشانلش اوچون یولگه قوییلگن بویوک بیر ییغین‌ده، قیز مکتبلری نینگ آچیلیشی برابریده هیچ قنده شرعی توسیق یوقلیگی نی بیان قیلگن.
بیزلرنینگ توییترده هم تعقیب قیلینگ!
اونینگ ایتیشیچه: «تعلیم نینگ عیال و ایرکک اوچون فرض بولگنی نی بیللی بیر شکلده بیان قیله‌من؛ علم نینگ فرض بولگنی نی هیچ کیم انکار قیله‌آلمه‌یدی. بو توغریده کوپینچه فتوا‌لر بار؛ تیزلیککه مکتب‌لر نینگ آچیلیشی کیره‌ک.»
استانکزی، اقتصادی قیینچیلیکلر یانیده تعلیم خصوصیده‌گی قیینچیلیکلر نی قرار بیریب، اولر نی حاضرگی وضعیت‌ده افغانستان نینگ اونملی قیین‌چیلیک‌لریدن عنوان قیلگن.
نیچه مدت آلدین معارف وزیرلیگی نینگ سابق سرپرستی نورالله منیر، ارزگان ده یولگه قوییلگن بیر ییغین‌ده ایتگن ایدی که، قیز مکتب‌لر فرهنگی قیینچیلیکلر سبب، یاپیق قالگن و حاضرگی وضعیت‌ده، عایله‌لر اوزلری قیزلر نینگ مکتب گه باریشلری نی ایستمه‌یدیلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، افغانستان ده آلتینچی صنف‌دن یوقاری قیز مکتب‌لر نینگ یاپیق قالگنی، کوپینچه تشقی و ایچکی عکس‌العمل‌لر بیلن روپه‌ره بولگن.
ینگی‌لیکده، بیرلشگن ملت‌لر تشکیلاتی نینگ باش کاتبی آنتونیو گوترش اوشبو تشکیلات نینگ خوفسیزلیک کینگش ییغینی‌ده ارائه بولیشی گه قرار آلگن گزارشی‌ده، افغانستان ده قیز مکتبلری نینگ یاپیق قالگنیدن تنقید‌لب و ایتگن که؛ افغانستان قیزلر تعلیم حقیدن محروم بولگن یگانه بیر مملکت دیر.
