پکتیا ولایتی بوییچه معارف ریاستی مسووللری نینگ ایتیش‌لریچه، اوشبو ولایت نینگ ۱۰ مکتبده یالغیز ۱۱ اوقیتووچیسی بار. مسوول‌لرنینگ ایتیش‌لریچه، اوقیتووچی‌لرنینگ کم‌لیگی سبب، مذکور مکتب‌لرنینگ اوقووچی‌لری کون اوتیش بیلن کمه‌یب بارماقده.
پکتیا ولایتی نینگ گرده‌سیری تومنی‌نی معارف مدیری همایون زدران نینگ سلام‌وطندارگه ایتیشیچه، اوقیتووچی‌لر کم‌لیگی‌نی نیچه مرته اوشبو ولایت معارف ریاستی مسووللری بیلن شریک قیلگنلر، لیکن حاضرگه‌قدر دقت بولمه‌گن.
اوشبو مکتب اوقووچی‌لری نینگ ایتیش‌لریچه، طولانی یول‌نی طی قیله‌دیلر و مکتب گه باره‌دیلر، لیکن نهایتده اوقیتووچیسی بولمه‌گن صنف‌لرده کون اوتکیزیش‌گه مجبور دیرلر.
اوقووچی‌لردن بیری فرهاد نینگ ایتیشیچه، اوقیتووچی یوق‌لیگی چیککه‌سیده کتاب‌لری هم یوق دیر و نیچه اوقووچی بیر کتاب دن استفاده قیله‌دی. اوقووچی‌لردن باشقه بیری نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، ساعت‌لر و کونلر اوته‌دی، لیکن اولر هیچ‌قنده‌ی تعلیم کورمه‌یدی. اونینگ ایتیشیچه، ییلده کوپ‌قطار اوقووچی‌لر اوشبو مکتب‌لردن فارغ بوله‌دی، لیکن سوادسیز دیر.
عین‌حالده، پکتیا ولایتی بوییچه معارف ریاستی مسووللری نینگ اوشبو قیین‌چیلیکلرنی تصدیق‌لب ایتیش‌لریچه، بو قیین‌چیلیکلرنی حل قیلیش اوچون بیر هیات تعیین‌لنگن.
پکتیا ولایتی بوییچه معارف ریاستی باشلیغی کوچی زازی نینگ سلام‌وطندارگه ایتیشیچه، اوشبو ولایت‌نی ۲۵۰۰ اوقیتووچی‌گه نیازی بار و بو قیین‌چیلیک مرکز بیلن شریک قیلینگن، لیکن حاضرگه‌قدر جواب قیتریلمه‌گن.
پکتیا یشاوچیلری بو وضعیتده بی‌فرق یانده‌شمه‌گنلر، ایکی هفته آلدین اوشبو ولایت یشاوچی‌لریدن بیرقطاری معارف ریاستی نینگ ایشیگی‌نی باغله‌گنلر. اولر، اوشبو ریاست‌نی فساد و ایش‌سیزلیککه عیب‌لگن، بیراق بو ادعالر معارف ریاستی تامانیدن رد ایتیلگن.
