دایکندی ولایتی اشترلی تومنی «جنگان کلان» قیشلاغی اهالیسی، اوشبو تومن ده شخصی پوللریدن بیر مکتب نینگ تمل تاشینی قویگنلر. اوشبو مکتب نینگ قوریش خره‌جتی ۲.۵ میلیون افغانی تخمین ایتیلگن.
بیزلرنینگ «ایکس» ترماغی ده هم تعقیب قیلینگ!
دایکندی معارف ریاستی بیر اعلامیه ترقه‌تیب ایتیشیچه، اشترلی تومنی «جنگان ذکور لیسه مکتبی» نینگ قوریش ایشی، شنبه کونی، ۶-عقرب، اوشبو ولایت معارف باشلیغی و بویوک‌لر حضوری بیلن باشلنگن.
دایکندی معارف باشلیغی عنایت‌الله سهار، اوشبو مکتب قوریلیشی‌دن خورسندلیک بیلدیریب ایتیشیچه، مذکور مکتب قوریلیشی بیلن ۶۳۵ اوقوچی گه تعلیم زمینه‌سی یره‌تیله‌دی.
دایکندی معارف باشلیغی نینگ کوپه‌یتیریشیچه، سکیز صنف‌لیک اوشبو مکتب پخته و اساسی شکلده توزه‌تیله‌دی.
اونینگ اورغولشیچه، اوشبو مکتب نینگ توزه‌تیلیش خره‌جتی اوقوچیلر عایله‌لری، خیر انسان‌لر تامانیدن توله‌نیله‌دی.
بیزلرنینگ فیسبوک صحیفه‌میزگه باش اورینگ!
دایکندی معارف باشلیغی، مذکور ولایت یشاوچیلری گه، بوتوغریده اولر بیلن همکارلیک قیلیشی دن ایشانچ بیرگن.
