بوگون “یکشنبه” ایرته‌لب غور ولایتی نینگ محلی میدیالری و خبرچی‌لری صدای غور رادیوسی نینگ مدیر مسؤلی بسم‌الله عادل ایماق ترور ایتلگنی باعث، ناراض‌لیک بیلدیریب ۳ کون‌گه‌قدر میدیالر فعالیت‌لرینی توخته‌تیب قوییگنلر.
صدای غور رادیوسی نینگ مدیری عبدالقدوس ثاقب و صدای عدالت رادیوسی نینگ خبرچیسی گل احمد، اوشبو خبری ییغینده صحبت قیلیب، بسم الله عادل ایماق نینگ قاتل‌لری اوشله‌نیب عدلی و قضائی نهادلرگه تاپشیریلگنی‌گه‌قدر، ایشلرینی توخته‌تیب قویش‌لرینی ایتگنلر.
باشقه بیر تاماندن هم اوشبو خبری ییغین‌گه اشتراک قیلگن بیرقطار ملی و محلی خبرچی‌لر، خبرچی‌لر برابریده‌گی هجوم‌نی اینقسه بسم‌الله عادل ایماق اولیمی‌نی جدی صورتده قاره‌لب و دولت‌گه تیگیشلی بولگن خبرلرنی نشر قیلمه‌یشلرینی بیلدیرگنلر.
انه‌شوحالده، غور ولایتی خبرچی‌لر بیرلشمه‌سی نینگ باشلیغی تیمور شاه احمدی، خبرچی‌لر برابریده‌گی هجوم‌لرنی خواطرلنتروچی دیب و خبرچی‌لر تینچ فضاده ایش قیلیش‌لری اوچون دولت دن رسانه‌لر و خبرچی‌لر تینچلیگی نی تأمین قیلیشی نی سوره‌گن.
غور ولایتی محلی رادیو نینگ خبرچیسی بسم الله عادل ایماق ترور ایتیلگنیدن کیین، رسانه و خبرچی‌لردن حمایت قیله‌دیگن نهاد بوتون خبرچی‌لردن ۳ کون بوییچه دولت گه تیگیشلی خبرلرنی ترقه‌تمسلیک‌لرینی سوره گن ایدی.
