غورلیک نقاش همایون عارفی، ۱۰ ییل دن بویان نقاش‌لیک قیلیب کیلماقده و حاضرگچه اونلب قیمت‌بها اثر اوزی دن قالدیرگن.
او ینگی‌لیکده افغانستان خاتین قیزلری اینیقسه عیال نطاق‌لری بیلن هم‌دردلیک بیلدیریش مقصدیده اسلامی امارت بیر اعضاسی نینگ صورتینی بیر مجری عیال یانیده چیزگن.
بیزلرنینگ فیسبوک صحیفه‌میزگه باش اورینگ!
عارفی نینگ ایتیشیچه، افغانستان خاتین قیزلری ایریم قیینچلیکلر بیلن روپه‌ره بولسه‌لرده، بیراق عیال نطاق‌لری یوزلرینی یاپیشی اجباری بولیشیگه عاید، اسلامی امارت نینگ ینگی دستوری اولرنینگ قیینچیلیکلرینی کوپه‌یتیرگن.
اونینگ ایتیشیچه: «اهالی اینیقسه خاتین قیزلر بیلن هم‌دردلیک بیلدیریشنی ایسته‌دیم، شونی اوچون اوشبو رسم‌نی چیزدیم، خاتین قیزلر نینگ حق و حقوقی ایاق آستی بولمه‌ی و میدیالرده برادرلری و ایرکک‌لر یانیده ایش‌لری گه دوام بیریش‌لری گه امید بیلدیره‌من.»
مذکور غورلیک نقاش نینگ کوپه‌یتیریشیچه، افغانستان ده سونگی نیچه ییل اوروش ده، فقرالر اینیقسه خاتین قیزلر کوپ زیان کورگنلر و حاضر ایسه عیاللر و ایرکک‌لر بیر_بیرینی قوللب و مملکت آبادانچیلیگی و ترقیاتی اوچون سعی و حرکت قیلیش‌لری کیره‌ک.
او اسلامی امارت تامانیدن اسلامی حجاب رعایت ایتیلیش دستوری دن آرقه‌داشلیک قیلیش گه علاوه، حکومت مسئوللری دن خاتین قیزلر گه ایشلش و تعلیم اجازه‌سی بیریلیشینی سوره‌یدی.
مذکور نقاش نینگ کوپه‌یتیریشیچه: «افغانستان نینگ حاضرگی حکومتی‌دن، اسلامی حجاب یخشی آدیم؛ لیکن ماسک کییش اجباری بولمسلیگینی ایسته‌یمن، چونکه ۴۰ ییل اوروش ده افغان ایرکک‌لریدن اکثریتی هلاک بولدیلر و کوپ عیاللر بیوه بولدیلر، باله‌لری ییتیم بولدی و حاضر عیاللر ایرکک‌لر یانیده ایشلش‌لری کیره‌ک. عیاللر عایله‌لری نینگ خرجتینی تأمینله‌یدی، عیاللر گه اسلامی حجاب بیلن ایرکک‌لر یانیده ایشلش رخصتی بیریلسه، یخشی بوله‌دی.»
بیزلرنینگ توییترده هم تعقیب قیلینگ!
امر معروف و نهی منکر وزیرلیگی، ینگی‌لیکده تلویزیون‌لر نینگ عیال نطاق‌لریدن، برنامه جریانیده ماسک کییب و یوزلرینی یاپیش دستورینی بیرگن.
اسلامی امارت نینگ بو دستوری ایچکی و خلق‌ارا ایریم عکس‌العمل‌لر گه روپه‌ره بولگن، بیراق اسلامی امارت اوشبو دستورنی «قطعی و بحث قیلینمس» عنوان قیلگن.
