بوگون توش‌دن کیین، غور محلی مسئوللری نینگ حضوری بولگن بیرحالده، مذکور ولایت ناشنوالر مکتب اوقووچیلری قول صنعت‌لری و یوتوق‌لری نی نمایش گه قویگنلر. مذکور نمایشگاه‌ده، غور ناشنوا مسلکی مکتبی نینگ ۲۶ اوقووچیسی شرکت قیلگن ایکن که بو آره‌ده سیاسی علوم بولیمیده ۱۵ کیشی، حرفه بولیمیده ۴ کیشی، قول صنعت‌لر بولیمیده ۵ کیشی و رسامی و عکاسی بولیمیده ایسه ۲ کیشی یوتوق‌لری نی نمایش گه قویگنلر.
مذکور نمایشگاه غور ناگرانلر و شهیدلر ریاستی تامانیدن «گلوبل پارتینرز» موسسه و اوشبو ولایت نینگ معارف ریاستی ساینس مرکزی عمومی مدیریت‌لیگی نینگ همکارلیگی بیلن یولگه قویلگن دیر. مذکور نمایشگاه‌ده غور«گلوبل پارتینرز» موسسه مسئولی نینگ ایتیشیچه، اوشبو موسسه ۲۰۰۵_ییلده بو ولایت‌ده تورلی بولیملرده فعالیتی نی باشلب و ۲۰۱۳_ییلدن حاضرگچه نیازمندلر گه یاردم بیریش و اجتماعی فعالیت‌لر یانیده، شونینگدیک ناشنوالر گه خاص بیر مکتب ایجاد قیلگن و مسلکی شکلده گنگ و ناشنوا کیشیلرگه تعلیم بیره‌دی.
جناب سلطانی مذکور نمایشگاه‌ده غور محلی مسئوللری و اسلامی امارت مرکزی رسمی‌لریدن، اوشبو ولایت‌ده‌گی ناشنوالر مکتبی‌دن‌حمایت قیلیب و شونینگدیک اوقووچیلر نینگ قانونی مدرک قول گه کیلتیریشلری اوچون اوشبو ناشنوا مکتبی نینگ معارف گه ثبت قیلیشلری نی سوره‌گن. اوشبو نمایشگاه گه شرکت قیلگن غور ناشنوا مکتب اوقووچیلردن بیری نایب محمدی، اشاروی تیل بیلن ایتیشیچه، اولر ناگران و کوچسیز ایمسلر و فایده‌لی ایش انجام بیره‌آله‌دیلر. اونینگ کوپه‌یتیریشیچه، بوگون ۱۰ ییلدن بیری زحمت و سعی و حرکتلری نینگ‌نتیجه‌سی نی بیرینچی مرته نمایش گه قویش اوچون موفق بولگنلری خصوصیده، خورسند دیر.
مذکور نمایشگاه گه شرکت قیلگن غور ناشنوا اوقووچیلردن باشقه بیری مهتاب، ۱۲ نقاشی اثری نی نمایش گه قویگن دیر. اونینگ ایتیشیچه، او مسلکی تعلیم‌لر یانیده شونینگدیک رسام‌لیک هنری گه هم علاقه‌سی بار و هر قنده‌ی تصویر نی درست شکلده چیزه‌آله‌دی. غور شاه‌لری، قشاق‌لیک وضعیتی، تاریخی اثرلر و باشقه بیر قطار رسم‌لری نینگ نمایش گه قویگن مهتاب، کوپینچه تعلیم کوریش و یوتوق‌لری نینگ آرتیشی اوچون اسلامی امارت مسئوللری و خلق‌ارا نهادلردن اولر نینگ مکتبلریدن حمایت قیلیشلری نی سوره‌یدی.
مذکور محفل‌ده صحبت قیلگن غور ناگرانلر انجمن رئیسی عبدالقیوم بهبودی نینگ ایتیشیچه، ناگران‌لیک کوچسیزلیک ایمس، ناگرانلر فایده‌لی ایشلر نی انجام بیره‌آله‌دیلر و حکومت ناگرانلر گه ایش زمینه‌سی نی یره‌تیش اوچون مسئولیتی بار. غور ناگرانلر و شهیدلر ریاست رئیسی گل‌احمد متوکل اوشبو نمایشگاه‌ده صحبت قیلیب ایتیشیچه، اولر اوشبو ولایت‌ده امکانیت یوقلیگی و بیللی ییر بولمه‌گنی باعث، گنگ و ناشنوا اوقووچیلر اختیاریگه ناگرانلر و شهیدلر ریاستی نینگ نیچه اتاقی نی اختیارلری گه قرار بیرگتلر و بو اوقووچیلر ایسه مسلکی شکلده تعلیم کوره‌دیلر. او بوتون نهادلردن اوشبو ولایت ناشنوالر مکتبی‌دن حمایت قیلیشلری نی سوره‌گن.
مذکور نمایشگاه‌ده صحبت قیلگن غور حاکمی احمدشاه دین‌دوست، اوشبو ولایت ناشنوالر مکتبی بیلن هر قنده‌ی همکارلیک قیلیش خصوصیده سوز بیریب ایتیشیچه، ناگران کیشی‌لرنینگ استعدادلری خداوند نینگ قدرتی نی کورسته‌دی و جماعه اهالی‌سی ایسه اوشبو ولایت ناگران‌لری نینگ یوتوقلر و نمایشلریدن پند آلیب، مملکت و جماعه‌لری نینگ ترقیاتی‌ده سعی و حرکت قیلیشلری کیره‌ک. غور معارف ریاست مسئوللری اوشبو برنامه‌ده صحبت قیلیب، شونینگدیک بو ولایت ناشنوالر مکتبی بیلن هر قنده‌ی همکارلیک خصوصیده سوزبیرگن. ناشنوالر مکتبی ۱۰ ییلدن کوپ اوشبو ولایت مرکزی فیروز‌کوه شهریده فعالیت قیلیب و بو مکتب نینگ اوقووچیلری حرفه و تخنیک ایشلری یانیده، شونینگدیک انگلیسی تیلی و کمپیوتر شامل فرقلی مضمون‌لرده تعلیم کوره‌دیلر.
