۱۶ یاشر مهتاب ناملی غورلیک کر قیز، رسم چیزیشده عالی مهارت و استعداد گه ایگه. او غور ولایتی کرلر مسکلی مکتبی نینگ ۹-صنف اوقووچیسی دیر.
او رسم چیزیش هنرینی معلم سیز اورگنگن، ینگیلیکده غوری شاهلری نینگ صورتلرینی چیزگن ایتیشیچه، بو ایش بیلن ناگرانلیک استعدالر گه توسیق بوله آلمسلیکنی کورسهتیشنی ایستهیدی.
بیزلرنینگ فیسبوک صحیفهمیزگه باش اورینگ!
مهتاب نینگ سوزلرینی اوقیتوچیسی بوندهی بیان قیلهدی: «مین صنفداش لریم بیلن هر کونی کرلر مکتبی گه باریب اوییرده سبق اوقیمن. اویده مینی آنم و ایناغهلریم قوللب قوتلهیدیلر. درس گه قوشیمچه رسم چیزیش گه قیزیقهمن. رسم چیزیب و هر کونی صنفداشلریم بیلن بولیشنی ایستهی من. مکتب بارگن پیتده، ناگران ایمس بلکه توانالیگیمیزنی حس قیلدیک.»
مهتاب غوری شاهلری نینگ ینگی چیزگن رسملری خصوصیده اشاره تیل بیلن ایتیشیچه، اولر محنت قیلیب و درس اوقیب بو مقام گه ییتگن کیشیلر دیر. مهتاب نینگ ایشانچی گه کوره، سلطان راضیه غوری شاهلری نینگ موفق عیاللریدن بیری ایدی و او اونینگ رسمینی چیزیش بیلن، خاتین قیزلر نینگ کوچ-قدرتینی صنفداشلری و تینگداشلری گه کورسهتیشنی ایستهیدی.
مهتاب، عایله اعضالری و اوقیتووچیسینی، بیلیم و هنر اورگهنیش اوچون یگانه حامی و ترغیب قیلوچیلریدن بیلهدی. بیراق او مکتبلری نینگ بیناسیزلیگیدن شکایت قیلیب و آز امکانیت بیلن مذکور ولایت نینگ شهیدلر و ناگرانلر ریاستی نیچه اتاقیده سبق اوقیشلرینی ایتهدی.
مهتاب اسلامی امارت متصدیلری و باشقه ملی همده خلقارا جمغرمهلردن، اولر نینگ مکتبی نی قوللب-قوتلشلرینی طلب قیلهدی.
عینحالده، مهتاب نینگ ایناغهسی گلاحمد گه کوره، سینگلیسی نقاشلیک هنری بیلن مملکت گه خذمت قیلیشنی ایستهیدی. او مسئول نهادلردن، کرلر نینگ مکتبی دهگی قیینچیلیکلر حلی اوچون دقت قیلیشلرینی سورهیدی.
غور ولایتی کرلر مکتبی اوقیتووچیلری نینگ تأکیدلشیچه، اولر کوپ قیینچیلیکلرگه روپهرو بولسهلرده، بیراق اوشبو مکتبده یخشی استعدادلرنی تربیهلش گه قادر بولگنلر.
بیزلرنینگ توییترده هم تعقیب قیلینگ!
شو بیلن بیرگه، غور شهیدلر و ناگرانلر ریاستی نینگ سرپرستی عبدالحکیم سمیر گه کوره، مذکور ولایت کرلر مکتبی اوقووچیلری یخشی استعداد گه ایگه و اولر یاردم بیروچی جمغرمهلر همکارلیگی بیلن، کر اوقووچیلری گه یخشی اورگهتیش فضا یرهتیلیشی مقصدیده سعی-حرکت قیلماقدهلر.
غور محلی مسئوللری نینگ ایتیشلریچه، اوشبو ولایتدهگی کرلر مکتبی ۱۰ ییل آلدین «گلوبل پاتنر» موسسهسی تامانیدن ایجاد ایتیلگن که بو مکتبده کر و سقاو اوقووچیلری مسلکی روشده تعلیم کورهدیلر. حاضرگی کونده مذکور مکتبده ۲۶ اوقووچی تعلیم کورماقده که ۹تهسی عیاللر دیر.